web counter
LEXO PA REKLAMA!

SHKARKO APP

App Store
Google Play

E fundit!

x

Kume kritika të forta palëve politike/ “E konsiderojnë Reformën Zgjedhore si të tyren”

3 Qershor 2020, 16:09, Politikë CNA

Ish-kreu i KQZ-së, Kristaq Kume në një intervistë për Euroneës Albania, duke komentuar zhvillimet e fundit për Reformën Zgjedhore u shpreh se Shqipëria ka dështuar të krijojë një shoqëri demokratike në këto 30 vite.

Kume theskoi se partitë e konsiderojnë reformën si pronë të tyre, ndërsa shtoi se kjo qasje po krijon vështirësi tek qytetarët për të zgjedhur njerëzit e duhur për t’i qeverisur.

?Në vlerësimin tim dhe ajo që unë ndjej është një situatë dëshpëruese. Kemi 30 vjet që kemi vendosur të zhvillohemi si një shoqëri demokratike, si një shoqëri, që do të jetë e zonja t?i zgjidhë vetë gjërat, por nuk kemi arritur dot që të gjejmë fjalën midis vetes për shumë gjera, ashtu edhe për këtë që po ndodh tani. Duhet me domosdo të bëjmë atë që na këshillojnë, për të mos thënë atë që na detyrojnë pastaj të huajt.

Kjo është në vlerësimin tim rrjedhojë e faktit se partitë politike tek ne, e konsiderojë se gjithçka që do të bëhet për reformën, bëhet për reformën zgjedhore, bëhet për ta dhe është për ata dhe për pasojë kur e ndjen si të tillë, është e vështirë të gjejnë fjalën mes tyre, pasi ata tentojnë të bëjnë atë që është në favor të tyre. Shumë pak, për të mos thënë aspak, e gjitha kjo që duhet bërë nuk është vetëm për ta, por për qytetarët për të na mundësuar ne që të shprehim me votën e lirë atë që ne duam të na përfaqësojnë në Kuvendin ShqipëriSë apo këshillat bashkiak. Ajo që e vështirëson të gjithë gjënë është sepse nuk kemi bërë akoma kapërcimin për t?u mirësjellur me demokracinë?, theksoi ai. /CNA.al





Lajmet e fundit nga