E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

E BUJSHME/ Rrëfehet Uzuni: Më kanë kërkuar zyrtarisht dy klube të La Ligas

18 Maj 2020, 15:34, Sport CNA

Myrto Uzuni është një prej disa lojtarëve të dalë nga Superiorja, që po shkëlqejnë nëpër Europë, duke nxitur edhe interesin e një sërë klubesh. Ish-sulmuesi i La;it këtë sezon te Lokomotiva Zagreb në Kroaci ka arritur formën më të mirë ndonjëherë dhe në një intervstë për ?Super Sport? në emisionin ?Fan Zone? tregon se La Liga është kampionati i preferuar dhe se e kanë kërkuar dy klube të këtij kampionati.

NDALESA- Isha në një formë mjaft të mirë në javët e fundit, por erdhi kjo ndalesë, që nuk ishte vetëm për mua, por globale, ndaj uroj të rikthehem aty ku e kam lënë.

GJENDJA FIZIKE- Në fakt në kushtet e shtëpisë nuk ishin mundësitë për t?u stërvitur mirë, por prej 20-25 ditësh jemi në fushë dhe avash-avash po rikthehem në gjendjen më të mirë fizike.

PANDEMIA- Unë nuk eci me plane, por vetëm përqendrohem te puna e përditshme. Megjithatë siç e thashë, më ndali në momentin më të mirë, por besoj se do të rikthehem në të njëjtën formë.

GJETJA E MOTIVIMIT- Unë jam një tip që e motivoj shumë veten për të punuar shumë dhe për të arritur aty ku dua.

MBAJTJA E VENDIT TË DYTË NË KAMPIONAT- Shpresoj se po, por të shohim gjërat në fushë.

KOMBËTARJA- Normalisht që e meritoj, pasi po kaloj një formë mjaft të mirë, krahasur edhe me futbollistët e tjerë të atij reparti. Megjithatë unë jam i përqendruar të bëj më të mirën dhe të jem në formë, pasi jam i sigurt që ftesa nuk do mungojë. Dua të vij dhe të luaj, jo thjesht të jem i pranishëm.

KATEGORIA SUPERIORE- Unë mendoj se Tirana ka bërë një ekip shumë të mirë dhe do të arrijë të fitojë titullin kampion. Sa i përket Laçit, ka një skuadër simpatike, që lufton shumë si brenda ashtu edhe jashtë fushe, ndaj besoj se do të sigurojnë Europën.

OFERTAT- Në fakt kam pasur oferta. Janë dy klube nga La Liga, që kanë shfaqur interes të vazhdueshëm dhe kanë paraqitur edhe ofertat zyrtare, por të shohim si do shkojnë gjërat.

LIGA E PREFERUAR- Besoj se do të përshtatesha shumë mirë në të gjithë kampionatet e pesëshes kryesore të Europës, përveç Bundesligës. Besoj se për cilësitë që kam, do të gjeja veten shumë mirë në La Liga.