Faktet/ Ngjasimet dhe dashuria Edi Rama-Çim Peka

8 Maj 2020, 12:36, Politikë CNA

Edi Rama me Çim Pekën kanë shumë ngjasime, dhe jo për shkak të mjekrës dhe garës që bënin dje se kush e kishte mbajtur më pare, për shkak të një trendi që ka lindur në botë me mjekërgjatët.

Por, ka dhe shumë ngjasime të tjera, përveç mjekrës kur njëri e ka të thinjur e tjetri jo.

Ka shumë ngjasi mes këtyre personazheve, njëri mediatik dhe më pas politik dhe sot kryeministër, dhe tjetri dikur gazetar i Fahri Balliut pastaj shërbëtor i një oligarku dhe tani në fund drejtuesi i një televizioni të financuar nga para që ende nuk u dihet burimi.

Por le të tregojmë ku ngjasojnë, Çlirim Peka dhe Edvin Rama, pra të dy kanë ndryshuar emrin, e kanë bërë me tre gërma. Kryeministri nga Edvin e ka bërë Edi, Çlirimi del dhe e shpall emrin e tij Çim. Harroi dhe emisionin ?Fakt? dhe i futi edhe një ?Çim Live? duke identifikuar me emrin e tij edhe emisionin që bën në Syri Tv.

Të dy vijnë nga dashuria për malin, Çimi vërtet vjen nga mali dhe rri maleve, Rama ka filluar të marrë malet dhe ka disa kohë që po e bën këtë.

Është e vërtetë që Edi Rama ka qenë në fillimet e para me PD, por edhe Çim Peka ka qenë dhe është gjithmonë me PD-në, dhe nuk ka rëndësi kur e kanë marrë testerën secili pasi edhe Rama atë të PS e mori pasi u bë kryetari bashkisë së Tiranës, i kësaj force politike.

Çimi e ka tradhtuar PD me Ilir Metën dhe flirtet me të majtën i ka dashuruar shumë, ndoshta nga eksperienca që i ka dhënë Fahri Balliu, ndërsa Rama tradhtoi PD dhe iku te PS.

Çimi vjen nga Partia e Punës, dhe ka qenë me PD dhe Berishën se me Lulin duket se vështirë e ka, megjithëse është kthyer në një shërbëtor i vogël i tij i dhe ka shkuar tek Ilir Meta që e do kaq shumë.

Tek Ilir Meta ka shkuar edhe Edi Rama, dikur kanë qenë bashkë, më pas u ndanë sërish qeverisën bashkë, herë bashkohen, herë largohen. Pra, Ilir Meta është një dashuri tjetër që i bashkon Ramën me Çimin.

Edi Rama vjen nga Partia e Punës, nga një familje e cila ka pasur benefite në kohën e diktaturës, gjithashtu edhe Çimi vjen nga një familje me lidhje të forta në atë kohë me diktaturën. Rama ka qenë gazetar, Çimi gazetar, Rama ka punuar tek Nikoll Lesi, Çim Peka tek Fahri Balliu.

Ngjasimet e tyre janë të shumta, ndryshimi i emrit, dashuria për Ilir Metën, tradhtia që i kanë bërë politikës, kujt i kanë shërbyer, profesionet e të tjera si këto.
Pra nuk është e rrallë ajo që ndodhi dje, që Edi Rama shkoi me vrap të intervistohej nga Çimi megjithëse me një audiencë thuajse të dështuar live.
Gjithësesi rëndësi kanë ngjasimet dhe dashuria qe ka lindur së fundmi midis Ramës dhe Çim Pekës, por kjo duket se nuk e thyen dot dashurinë e Çlirimit për Ilir Metën.
Vështirë se Edi Rama do të mundë ta thyejë atë!/CNA.al