web counter
LEXO PA REKLAMA!

SHKARKO APP

App Store
Google Play

E fundit!

x

Beteja me Covid-19/ Shkenca bën një tjetër hap para, lajme të mira nga Italia

4 Maj 2020, 11:04, Lifestyle CNA

Ndërsa pothuajse gjithë bota po përballet me pasojat e Covid-19, duket se shkenca ka bërë sërish një tjetër hap para në lidhje me betejen me këtë virus.

Mediat italiane shkruajnë se për herë të parë në botë, një vaksinë kandidate kundër koronavirusit të ri ka neutralizuar virusin në qelizat njerëzore.

Deklarata është bërë nga Luigi Aurisicchio, themelues, Shef Ekzekutiv dhe Zyrtar Shkencor në Evvivax srl dhe në Takis srl, i cili zhvilloi vaksinën në Itali.

Testi u bë i mundur falë përvojës së institutit, i cili pasi izoloi virusin, vendosi një metodë për të verifikuar efektivitetin e vaksinave dhe molekulave direkt në virus.

?Ne po eksplorojmë edhe platforma të tjera interesante teknologjike në bashkëpunim me LineaRx, një kompani amerikane. Disa vaksina kanë marrë fonde të rëndësishme dhe tashmë kanë filluar fazën klinike në vendet e tjera. Ne po punojmë për një vaksinë që vjen nga hulumtimi italian , me teknologji gjithëpërfshirëse dhe italiane, të testohet në Itali dhe të vihet në dispozicion të të gjithëve.

Për ta bërë këtë kemi nevojë për mbështetjen e institucioneve dhe partnerëve të cilët mund të na ndihmojnë të shpejtojmë procesin: kjo nuk është një garë dhe së bashku mund të fitojmë të gjithë kundër koronavirusit ?, tha Aurisicchio.

Testet e kryera në laboratorin e Virologjisë të institutit Spallanzani treguan gjithashtu se antitrupat e gjeneruar tek minjtë e vaksinuar, funksiononin./ CNA.al





Lajmet e fundit nga