web counter
LEXO PA REKLAMA!

SHKARKO APP

App Store
Google Play

A krijon imunitet një person që është shëruar nga Covid-19?/ Ja si përgjigjet mjeku i njohur  

29 Prill 2020, 06:55, Lifestyle CNA

Mjeku Andi Koraqi ka folur sot lidhur me testet serologjike që tregojnë nëse një person e ka kaluar koronavirusin, për të kuptuar kështu nëse kemi arritur atë që quhet ?imuniteti i tufës?.

Në emisionin Abc-ja e mëngjesit, Koraqi tha se ka raste kur testi edhe mund të gabojë sepse nëse një person që e ka kaluar virusin dhe testohet mund edhe të dalë negativ.

Ndërsa shtoi se ende nuk është vërtetuar nëse ata që tashmë janë shëruar nga ky virus kanë fituar imunitet.

?Edhe unë nuk kam pse të jem i lumtur që e kam kaluar virusin pasi nuk e di nëse kam imunitet apo jo sepse nuk e dimë a mund të kthehet apo jo. Nëse një person bën testin serologjik dhe e ka kaluar virusin edhe mund të dalë negativ.

Ne nuk kemi kurrë një imunitet grupi dhe qëllimi i gjithë masave ka qenë që kurba të jetë e sheshtë. Ne kemi një javë që kemi nisur testimet serologjike dhe nuk kemi filluar analizimin e tyre.

Ne po testojmë grupet që janë me rrisk, punonjësit e shëndetësisë që kanë propabilitetin më të madh për të rënë në kontakt me virusin?, tha Koraqi.

Lidhur me gjetjen e një vaksine për koronavirusin, Koraqi tha se janë 40 laboratorë në botë që po punojnë për këtë, ndërsa me bindje theksoi se në rast se ajo do të dalë, virusi do të zhduket sepse zinxhiri i transmetimit do të ndërpritet.

?Në rast se vaksina del ndërpritet zinxhiri i transmetimit. Ndërpritet dhe infeksioni. Janë 40 laboratorë që janë në testim e sipër. Vaksina mund të prodhohet në shumë vende. Po të jetë e mundur mund të prodhohet edhe në Shqipëri?, u shpreh Koraqi.

Po ashtu ai tha se “Stina e verës do sjellë një ulje të fuqisë transmetuese të virusit, sepse edhe spërklat që lëshon dikush me kollë, e humbin aftësinë për të shkuar sa më larg.

Kjo duhet parë pasi ende nuk dimë më shumë se kaq. Është një virus me shumë të panjohura?.





Lajmet e fundit nga