web counter
LEXO PA REKLAMA!

SHKARKO APP

App Store
Google Play

E fundit!

x

“Asgjë nuk ka kaluar”/ Manastirliu apel qytetarëve: Jemi në monitorim

28 Prill 2020, 21:09, Lifestyle CNA

Ministrja e Shëndetësisë, Ogerta Manastirliu në një lidhje me emisionin ?Repolitix?, ka folur për letësimin e masve, ndërsa tha se kjo hapje do të jetë shumë e kujdesshëm dhe një fazë shoqërohet me një periudhë dy javore monitorimi.

Ajo i bëri gjithashtu apel qytetarëve, duke theksuar se asgjë nuk ka kaluar dhe se nëse nuk jemi të kujdeshëm mund të përballemi me një valë të dytë.

“4 fazat e hapjes janë faza që përcaktojnë linjat e një rihapje të kujdesshëm dhe shumë të ngadaltë, por nuk përcaktojnë datat specifike. Ata përcaktojnë një hark kohor të vlerësimit periodik të masave të marra nga hapja e parë dhe se çfarë impakti kanë ato në një periudhë 2 javore. E tillë është edhe hapja që ndodhi këtë javë me hapjen e disa biznese apo krijimin e zonave të gjelbra. Nuk është se po jetojmë pa rregulla, madje dhe në zonat e gjelbra ka rregulla që duhen të respektohen.

Që nga dita e hënë qytetarët janë treguar të kujdesshëm, asgjë nuk ka kaluar dhe jemi në mes të saj, Duhet të jetojmë çdo ditë me rregullat që ky virus të mos shpërndahet. Nëse nuk respektojmë masat do të përballemi me valë të tjera që nuk mund t’i përballojmë dot. Është shumë e rëndësishme të ruajmë distancën sociale dhe higjienën në këtë fazë që ndodhemi në mënyrë që të kemi një panoramë të qartë dhe të plotë të masave por dhe kthimit në normalitetin e ri. Vetëm vaksina është ajo që do të garantojë uljen e transmetimit deri në shuarjen e kësaj epidemia”, tha Manastirliu





Lajmet e fundit nga