web counter
LEXO PA REKLAMA!

SHKARKO APP

App Store
Google Play

E fundit!

x

Shifrat sot kapën numrin më të lartë/ Ekspertja në ISHP: Kurba e qëndrueshme, nuk do kemi pik

25 Prill 2020, 19:07, Lifestyle CNA

Ndonëse shifrat ditën e sotme kanë kapur numrin më të lartë të të infektuarve në vendin tonë, ekspertja e Institutit të Shëndetit Publik Rovena Daja thotë se kurba epidemiologjike për shkak të masave që janë marrë ka një trend relativisht të qëndrueshëm.

Duke iu referuar specialistëve, Daja deklaron se në Shqipëri nuk do të ketë një pik, ndërsa pretendon se numrat e të prekurve do vijnë në ulje.

“Mos prisni që të ketë numër të barabartë rastesh çdo ditë. Normalisht një ditë mund të ketë më shumë raste, një ditë më pak. Gjatë 24 orëve të fundit është e vërtetë që kemi pasur më shumë raste, por ndoshta gjatë 24 orëve që jemi duke kryer analizat mund të kemi një numër më të vogël rastesh. Normalisht ne nuk kemi një kurbë normale të një pandemie sepse kemi marrë disa masa izolimi. Duke marrë këto masa nuk kemi  një pikë, por kemi një trend të qëndrueshëm. Sipas specialistëve ne nuk do të kemi një pik dhe unë shpresoj mos kemi një pikë, por të vazhdojë ky numër i qëndrueshëm rastesh ulje rritje derisa të fillojë të ulet”, u shpreh ajo në një lidhje me Rtv Ora.

Ekspertja në ISHP theksoi se masat do fillojnë të hapen, por i bëri thirrje qytetarëve të mbajnë distancim social dhë të respektojnë të gjitha këshillat e mjekëve.

“Duke parë situatën epidemiologjike task forca ka vendosur që të hapen disa pjesë të ekonomisë. Ne do vazhdojmë të jemi akoma më shumë vigjilentë. Do të shikojmë në perspektivë se çfarë do të ndodhë. Qytetarët duhet të zbatojnë masat e distancimit fizik. Të përdorin maskat, të dezinfektojnë duart dhe të jenë vigjilentë. Shqiptarët janë ndërgjegjësuar, qytetet janë të boshatisura dhe them se njerëzit po na ndihmojnë në këto momente”, nënvizoi Rovena Daja./ CNA.al





Lajmet e fundit nga