E fundit!

12:08 Aktualitet

Protestat/ Rama: Askush nuk mund ta ndalë rrugën e Shqipërisë drejt BE-së

Kryeministri Edi Rama në një intervistë të dhënë për gazet...

"Karantina rëndon njerëzit që vuajnë nga varësitë"/ Psikologja: Ja terapitë si ta luftojnë

25 Prill 2020, 18:25, Lifestyle CNA

Psikologia Anisa Zaçe ka folur për ndikimin e karanatinës në psikologjinë e njerëzve dhe për më tepër te ata që vuajnë nga varësitë.

Ajo tha se personat që vuajnë nga varësi të ndryshme, sidomos të lëndëve narkotike apo varësitë ndaj lojërave të fatit kjo situatë i ka rënduar edhe më shumë.

Zaçe deklaroi se karantina dëmton shumë edhe ata që janë duke luftuar për ta lënë një varësi, ndërsa tregoi edhe si të mos biesh pre e varësisë.

“Ajo që ndihmon në lënien e një varësie është rutina në vetvete. Në momentin që ne i vendosim vetes një rutinë të vazhdueshme dhe qëndrojmë në atë rutinë është e thjeshtë që ne mos biem pre. Në momentin që të gjitha mundësitë janë të mbyllura qoftë gjetja e lëndëve narkotike për ata që vuajnë nga varësitë apo lojërat e fatit apo alkooli, të gjitha këto situatë rëndohen sepse duhet të përballesh me faktin sepse ke nevojë për diçka që të të ndalojë stresin. Për të gjitha simptomat e varësive unë do veçoja edhe vetminë. Njerëzit që rrinë vetëm e kanë shumë më të vështirë të përballen me problematikat e tyre.

Situata në familjet në të cilat është një individ që vuan nga varësia, është e nevojshme që e gjithë familja të kontribuojë në mbështetjen psikologjike. Ajo që ndodhte para pandemisë dhe para izolimit është që dikush që vuante nga një varësi e caktuar kalohej treçereku i ditës jashtë dhe në momentin që futesh në shtëpi ato pak orë para gjumit shtyheshin si shtyheshin. Tani që të gjithë janë në shtëpi është shumë e nevojshme që të ketë një komunikim shumë të fortë mes familjarëve për të kuptuar që situata që ndodhemi është e panatyrshme. Është normale deri diku. Do na duhet të jetojmë në këto kushte. Ajo që unë do këshilloja si terapi është komunikimi mes familjarëve sidomos vetë personi që vuan nga varësi ta ndajë me familjarët e vet si ndihet dhe për çfarë ka nevojë”, u shpreh ajo në një lidhje me Rtv Ora.

Psikologia theksoi se njerëzit më të afërt që ne kemi janë edhe sistemi jonë mbështetës më i fortë, ndërkohë që theksoi se mjekët dhe psikologët janë vënë në dispozicion të qytetarëve./ CNA.al