web counter
LEXO PA REKLAMA!

SHKARKO APP

App Store
Google Play

E fundit!

x

Refugjatët në Shqipëri/ Panariti kërkon reagim urgjent nga Presidenti dhe Këshilli i Sigurisë Kombëtare

8 Mars 2020, 17:54, Politikë CNA

Ish-ministri i Bujqësisë në qeverinë Rama 1, Edmond Panariti, ka kundërshtuar transfertën masive të refugjatëve brenda territorit shqiptar.

Panariti thotë se Presidenti dhe Këshilli i Sigurisë Kombëtare duhet të shqyrtojnë me urgjencë këtë prurje masive.

Ai përmend faktin se populli shqiptar e ka për traditë mikpritjen dhe strehimin e të huajve në nevojë dhe të kërcënuar në vendet e tyre, por pretendon se i ka përmbushur dhe madje tejkaluar detyrimet në përballjen e krizave humanitare.

Më tej, ish-ministri rendit hollësitë dhe rrethanat e kësaj transferte masive refugjatësh, që sipas tij duhet të dijë Këshilli i Sigurisë Kombëtare.

?1. Ka mjaft studime që dëshmojnë se refugjatët nga zonat e luftës, mbartin rrezikun e destabilizimit të vendit pritës. Kjo mund të vijë në formën e aktivistëve politikë të cilët mund ta përdorin vendin si bazë riorganizimi të rezistencës.

2. Vendi pritës mund të shndërrohet në strehim luftëtarësh të cilët nën maskën e refugjatëve, mund të futin armë dhe të bëhen bartës të ideologjive destabilizuese.

3. Këshilli i Sigurisë Kombëtare duhet të njihet me kohëqëndrimin e refugjatëve dhe hollësitë e fatit të tyre afat mesëm dhe afat gjatë.

4. Është urgjente që Presidenti dhe Këshilli i Sigurisë të shqyrtojnë dhe shprehen për këtë çështje!?, nënvizon Panariti në rrjetet sociale./ CNA.al





Lajmet e fundit nga