web counter
LEXO PA REKLAMA!

SHKARKO APP

App Store
Google Play

Manastirliu jep mesazhin e fortë/ Nuk ka vend për panik, referohuni vetëm informacioneve zyrtare

24 Shkurt 2020, 09:03, Politikë CNA

Mëngjesin e sotëm është mbledhur task-forca për koronavirusin në sallën e emergjencave në aeroportin e Rinasit. Në mbledhje po diskutohen masat për t’u mbrojtur nga koronavirusi dhe për të parandaluar hyrjen e individëve të prekur në territorin shqiptar.

Ministrja e Shëndetësisë, Ogerta Manastirliu tha se me përhapjen e koronavirusit në Italinë fqinje, në Shqipëri janë dy-fishuar masat.

Po ashtu ajo i drejtoi edhe një mesazh të fortë qytetarëve, ndërsa theksoi se nuk ka vend për panik dhe se duhet tiu referohen vetëm informacioneve zyrtare.

?Nuk ka vend për panik, por për të qënë racional, përgjegjësi dhe punë të pandalur. Referohuni vetëm informacioneve zyrtare dhe ekspertëve të fushës. Është shumë i rëndësishëm bashkëpunimi me ju ndaj për çdo shqetësim, pyetje apo informacion jemi të gatshëm për të komunikuar me ju 24 orë. Gjithë strukturat e shtetit janë në gatishmëri. Nuk duhet që paniku të na zërë arsyen dhe të na çojë në drejtime që nuk bazohen në fakte reale. Unë personalisht jam transparente dhe me shumë përgjegjësi për të administruar edhe këtë ngjarje.

Shqipëria nuk ka ende asnjë rast të konfirmuar. 6 raste të cilat janë analizuar nga ISHP kanë rezultura negative. Pas rasteve ne itali kemi dyfishuar masat?-tha Manastirliu.

Po ashtu ajo theksoi se sot është firmosur urdhëri për masat e shtuara higjeno-sanitare në çerdhe, kopeshte, shkolla dhe universitete.





Lajmet e fundit nga