web counter
LEXO PA REKLAMA!

SHKARKO APP

App Store
Google Play

E fundit!

x

Avokati i Begos paralajmëroi se do t’i çojë në Gjykatë/ Opozita hidhet sërish në sulm

3 Shkurt 2020, 16:36, Politikë CNA

Pas paralajmërimit të avokatit Ardian Leka se do të ndjekë në rrugë gjyqësore çdo akuzë të ngritur ndaj klientit të tij Edmond Bego nga opozita joparlamentare, ka reaguar sërish opozita.

Ish-deputeti Endri Hasa ka publikuar listën e udhëtimeve të Begos, që sipas tyre ka qenë në prezencën e kreut të grupit parlamentar socialist Taulant Ballës.

Hasa pretendon se pas Lekës qëndron Balla, të cilit i kërkon të mos fshihet pas avokatit të mikut të tij trafikant droge, por të dalë nga skuta luksove e ta mbrojë vetë Begon.

Demokrati deklaron se pasuria e mikut të Taulant Ballës duhet të jetë që sot objekt verifikimi nga ligji Anti KÇK, pasi Edmond Bego është i dënuar për trafik ndërkombëtar droge.

?Pas miqësisë me Taulant Ballën, Edmond Bego ka marrë mbi 14 milionë euro para publike në mënyrë të paligjshme.

1. A gjen dot Policia rrugën që të verifikojë mikun trafikant droge të Taulant Ballës?

2. A do të verifikojë edhe pushtetarët që po e mbështesin atë për të pastruar paratë e drogës me projektin 60 milion euro të zhvendosjes së Lumit Lana?

Me propagandë bajate nuk mund të mbulohet dot e vërteta: KÇK nuk e lufton dot KÇK!?, nënvizon Hasa./ CNA.al





Lajmet e fundit nga