web counter
LEXO PA REKLAMA!

SHKARKO APP

App Store
Google Play

E fundit!

x

Universi ynë po zgjerohet shumë shpejt/ Misteret e materies së zezë

1 Janar 2020, 00:55, Aktualitet CNA

Universi po zgjerohet shumë më shpejt nga sa është zbuluar më parë, sipas matjeve më të reja nga Teleskopi ?Hubble? i NASA-s dhe Agjensisë Europiane Hapësinore (ESA).

Universi po zgjerohet vazhdimisht, me rezultat që distancat midis galaktikave rriten çdo sekondë. Të dhënat nga viti 2016 e tutje tregojnë se shkalla aktuale e zgjerimit është deri në 9% më e lartë se vlerësimet tona të mëparshme.

Në praktikë, matjet e reja të Hubble forcojnë besimin se shkalla e zgjerimit të universit është me të vërtetë më e lartë, pasi ato zvogëlojnë mundësinë e gabimeve të matjeve shkencore. Probabiliteti statistikor i dështimit tani qëndron në 1 në 100,000, ndërsa më parë ishte 1 në 3,000.

Sipas të dhënave të reja, shkalla e zgjerimit të universit tani konstatohet të jetë 74.03 kilometra në sekondë për njesinë matëse mega parsek. Me fjalë të tjera, për çdo 3.3 milion vite dritë që ndan Tokën nga një galaktikë e largët, ajo duket se po lëviz 74 kilometra më shpejt për shkak të zgjerimit të universit.

Stabiliteti i rishikuar është 9% më i lartë se 67.4 km / s që është llogaritur në të kaluarën, duke konfirmuar në mënyrë thelbësore shifrat e 2016.

Pyetja tani është se si mund ta shpjegojmë përhapjen më të shpejtë të botës sonë gjigande.

Ekzistojnë disa teori. Njëra sugjeron që zgjerimi ndodh për shkak të të ashtuquajturës “energji të errët” që mund të ketë shkaktuar fillimin e zgjerimit pas Big Bang-ut, 13 miliardë vjet më parë, dhe mund ta ketë përshpejtuar atë deri në një pikë.

Një teori tjetër i jep përgjegjësi materies së errët, e cila mund të bashkëveprojë më fuqishëm me materien normale sesa supozojmë sot. /Përshtati nga kathimerini.gr, CNA.al.





Lajmet e fundit nga