web counter
LEXO PA REKLAMA!

SHKARKO APP

App Store
Google Play

Gati ngritja e SPAK/ Emërohen 8 prokurorët e parë

25 Tetor 2019, 11:23, Aktualitet CNA

Struktura e Posaçme e Anti-Korrupsionit do të ngrihet në muajin nëntor.
Këshilli i Lartë i Prokurorisë vendosi të emërojë në detyrë 8 prokurorët që do të formojnë Strukturën e Posaçme Anti Korrupsion.

?Ne si KLP nuk kemi vendimmarrje për organikën për SPAK. Vendimin për numrin dysheme e ka marrë kushtetutëbërësi. Vendimin për numrin aktual do ta marrë drejtuesi i SPAK në bashkëpunim me kuvendin. Ne nuk marrim një vendim në lidhje me organikën e Prokurorisë së Posaçme, ne thjeshtë emërojmë ata që mund të emërojmë. Ne po emërojmë prokurorët në SPAK. Ne nuk marrim një vendim për krijimin e SPAK. Mund të emërojmë tetë dhe tetë po emërojmë. Mendimi im ka qenë që ne nuk e shkelim Kushtetutën përmes emërimit. Do të ishte e arsyeshme që kjo strukturë të fillonte punën me 15 anëtarë. Fillimi i punës me më pak se kaq do të sjellë probleme për realizimin e punës, por jo nga ana kushtetuese?, tha kreu i KLP, Gent Ibrahimi.

SPAK do të nisë punën më 25 nëntor dhe Ibrahimi tha se plotësimi i dy vendeve për numrin dysheme do të realizohet brenda 30 ditëve.





Lajmet e fundit nga