web counter
LEXO PA REKLAMA!

SHKARKO APP

App Store
Google Play

“S’kemi probleme me sistemin zgjedhor”/ Kodheli: Fajin për votimet e kanë burrat

10 Tetor 2019, 16:29, Politikë CNA

E ftuar në studion e emisionit “45 minuta”, ish-ministrja Mimi Kodheli ka komentuar vijueshmërinë e Reformës Zgjedhore. Sipas Kodhelit, problemi nuk është sistemi, por zbatimi i tij.

Ndërkohë, referuar çështjes se me kë duhet të bëhet sistemi, me opozitën jashtë apo brenda Parlamentit, ish ministrja, me fjalë të tjera shprehet se të dyja janë të rëndësishme në mbarëvajtjen e reformës.

?Reforma Zgjedhore duhet të bëhet me të dy palët, edhe me opozitën brenda parlamentit, edhe me opozitën jashtë. Ne nuk duhet të fshihemi dot pas gishtit dhe të themi që ajo nuk ekziston. Ata nuk ndodhen aty (në Parlament) për fat të keq dhe ky është një dëm që i kanë bërë votuesve jo qeverisë.

Ne nuk kemi probleme në sistemin zgjedhor, por në zbatimin e tij. Nëse ne e bëjmë sistemin të tillë ku as nuk ndikojmë e as ndikohemi, atëherë nuk do të jetë problem. Unë jam pro mos ndryshimit të sistemit, s?është kjo çështja. Ne kemi akoma votime familjare, kemi votime ku burrat ende dominojnë të drejtën e votës në familjen e tyre, për t’mos thënë të gjithë fisit. Kështu që mendoj se sistemi nuk është problemi.”, është shprehur ish ministrja Kodheli./ CNA.al





Lajmet e fundit nga