"S'më ke thirrur të jap llogari"/ Basha del zbuluar e lëshojnë nervat

22 Gusht 2019, 19:38, Aktualitet CNA

Kreu i PD-së Lulzim Basha, që nga koha e djegies së mandateve është shafuqr me qëndrime të ndryshme për çështje te caktuara.

Një nga këto çështje është edhe raporti me ndërkombëtarët.

Gazetarit Çim Peka e ka pyetur Bashën në lidhje me raportet që ka me ndërkombëtarët, duke i rikujtuar atij se çfarë ka thënë më herët me anë të një videoje.

Në mesazhin e 16 marsit drejtuar ndërkombëtarëve, Basha u bëte thirrje ndërkombëtarëve, duke iu thënë se nuk ka stabilitet pa demokraci dhe pa drejtësi.

“Kërkoni gjithçka që t ‘ua jap si lider i opozitës dhe do t ‘ua jap, por mos më kërkoni kurrë atë që s do t’ia kërkonit popullit tuaj”, është shprehur Basha me 16 Mars.

Ndërkohë Peka i ka kujtuar, se ndërkombëtarët e patën braktisuar, pavarësisht se Basha këmbngulte se kanë pasur mbështetjen e kancelares Angela Mercel.

“Ministria e Jashtme Gjermane nuk iu ka përkrahuar, Amerikanët zgjodhën stabilitetin, njohën zgjedhjet me një parti”, e ka provokuar Peka, Bashën.

Por, ky i fundit vijon me idenë se zgjedhje nuk k pasur dhe se tashmë ka ndryshuar edhe qëndrimi i ndërkombëtarëve.

“Askush nuk i ka njohur dhe nuk do t’i njohë këto zgjedhjhe,SHBA ka thënë se pret Gjykatën Kushtetuese”, ka thënë Basha, i cili është replikuar nga Peka.

“Zgjedhjet janë njohur, kemi kryebashkiakët e rinj”, ka replikuar Peka.

Por, sipas Bashës, stabiliteti është interes kryesor strategjik i SHBA, për Shqipërinë, Ballkanin dhe gjithë Europën. E reja është në faktin se për shkak të zhvillimeve paara dhe pas 30 Qershorit, kemi një realitet të ri me faktorin ndërkombëtar. Tërheqja e misionit që vëzhgon zgjedhjet vendore, konkretisht, tërheqja e autoriteti të Këshillit të Evropës, raporti I OSBE ODIHR”, janë faktorët që sipas Bashës tregojnë ndryshimin e e qëndrimit të ndërkombëtarëve.

Por, drejtuesi e emisionit i ka kontestuar përgjigjet e tij dhe kjo ka çuar në reagimin e Bashës, i cili është kundërpërgjigjur ashpër Pekës.

“S’më ke thirrur të jap llogari… raporti i plotë (OSBE ODIHR do të jetë më i zi…”, është shprehur Basha./CNA.al