web counter
LEXO PA REKLAMA!

SHKARKO APP

App Store
Google Play

E fundit!

x

Para dhuratë, makinë 10 mijë euro, por pa shtëpi/ Në 5 vite, gjyqtari kërkon luksin

17 Gusht 2019, 10:39, Aktualitet CNA

Vettingu pritet të nisë me ritme të shpejta në shtator. Prioritet do të kenë kandidatat për në SPAK, por edhe subjekte të tjera.

Vettingu i skanon prokurorët dhe gjyqtarët në tre kritere, në atë të pasurisë, të pastërtisë së figurisë dhe në kriterin profesional.

Pjesa më e madhe e gjyqtarëve dhe prokurorëve që janë rrëzuar deri më tani nga Vettingu ka qenë për shkak të pasurisë.

Që në vitin 2016, hipotekat në rang vendi kanë nisur një kontroll për verikimin e patundshmërive të gjyqtarëve dhe prokurorëve, në mënyrë që të shmagnin ndryshimet eventuale të pronësisë që mund të bëheshin nga subjektet e rivlerësimit.

Një prej të verifikuarve është edhe gjyqtari i Kavajës, Genti Dokollari.  Sipas deklaratave të pasurisë, që CNA.al ka marrë pranë ILDKPKI-së, rezulton se Dokollari nuk ka pasuri të patundshme, por nuk i mungojnë të ardhurat.

Në formularin e vetdeklarimit, ai thotë se në vitin 2003 ka qëndruar ka muaj për pushime në Greqi. Bëhet fjalë për periudhën Qershor -Shtator 2003. Por, pushime pa para nuk bëhen.

Dokollari kur ka deklaruar pasurinë për herë të parë në vitin 2013, ka deklaruar një autoveturë, tip Volsvagen Golf, viti i prodhimit, 98, dhuratë nga familja, në shumën 500 000 lekë dhe gjendje llogarie në shumën 37 000 dhe 47 000 lekë.

Por, me punësimin si gjyqtar, ai ka përfituar të ardhura edhe nga Shkolla e Magjistraturës apo edhe nga mësimdhënia në Universitet private.

Në vitin 2015 ai deklaron një kredi dhe një overdraft.

Pas dy vitesh, në 2017-ën, ai deklaron se  ka shtim të pasurisë në kesh, me 20 000 lekë, në total 70 000 lekë. Gjithashtu ai thotë se ka lidhur kontratë për shitblerje me rezervë pronësie për blerje të automjetit tip BMW, E70, viti 2007, çmimi 10 000 euro, prej të cilit është paguar kapari 1 000 euro dhuratë nga babai.

Ndërsa në vitin 2018 ai deklaron se ka shitur automjetin e markës Mercedez Benz në shumën 8 000 euro. Sipas asaj që ka deklaruar bëhet fjalë për automjetin e blerë në vitin 2013 në shumën 840 000 lekë.

Në asnjë vit, Dokollari nuk deklaron pasuri të patundshme si shtëpi. Ose, jeton jashtë ose rri nëpër komshinj apo me prindërit, pasi babai i dhuron para edhe pse burimet financiare nuk i mungojnë. Por ka dhe variante të tjera, si ajo e fshehjes së pasurisë.

Më poshtë po sjellim pasurinë e deklaruar nga `gjyqtari Genti Dokollari.

Viti 2013 (Deklarata fillestare)

Autoveturë, tip Volsvagen Golf, viti i prodhimit, 98, dhuratë nga familja, në shumën 500 000 lekë.

Gjendje llogarie në shumën 37 000 dhe 47 000 lekë.

Viti 2013

Blerë makinë Mercedez Benz në shumën 840 000 lekë.

Të ardhura nga paga si gjyqtar në Tiranë, në shumën 164 000 lekë.

Të ardhura nga mësimdhënia në universitet privat në shumën 100 074 lekë.

Të ardhura nga pjesëmarrja në bordin e Shkollës së Magjistraturës në shumën 18 000 lekë.

Bashkëkredimarrës dhe overdraft në shumën 2 109 000 lekë.

Viti 2014

Makinë Mercedez Benz në shumën 840 000 lekë, blerë në vitin 2013.

Shitur, autovetura, tip Volsvagen Golf, në shumën 2 500 euro.

Shlyerje overdrafi 50 000 lekë.

Të ardhura nga paga si gjyqtar në Tiranë, në shumën 974 020 lekë.

Të ardhura nga mësimdhënia në universitet privat në shumën, 274 200 lekë.

Të ardhura nga pjesëmarrja në bordin e Shkollës së Magjistraturës në shumën 36 000 lekë.

Të ardhura nga mësimdhënia pranë fakultetit të drejtësisë në shumën, 24 800 lekë.

Viti 2015

Shpenzime për pushime, kujdes shëndetësor, nga shuma e shitjes së automjetit prej 2 500 euro. Gjendja që ka mbetur është 1 000 euro.

Të ardhura nga paga si gjyqtar në Tiranë dhe Korçë, në shumën 985 450 lekë.

Të ardhura nga mësimdhënia në universitet privat në shumën,7 200 lekë.

Bashkëkredimarrës dhe overdraft. Janë shlyer 378 840 37  lekë, ndërsa kanë mbetur pa u shlyer, 1 646  878 06 lekë. Si dhe shuma 100 000 lekë.

Viti 2016

Shpenzime për nveoja të zakonshme 90 000 lekë. Gjendje 50 000 lekë.

Të ardhura nga paga si gjyqtar në Korçë, në shumën 1 027 947 lekë.

Të ardhura, kompesim nga departamenti amerikan i shtetit për pjesëmarrjen në konferencë, në shumën 18 679 lekë.

Viti 2017

Shtim i pasurisë cash, me 20 000 lekë. Gjendja aktualue, 70 000 lekë.

Lidhur kontratë për shtiblerje me rezervë pronësie për blerje të automjetit tip BMË, E70, viti 2007, çmimi 10 000 euro, prej të cilit është paguar kapari 1 000 euro dhuratë nga babai.

Të ardhura nga paga si gjyqtar në Korçë, në shumën 1 047 214 lekë.

Detyrim financiar, për blerjen e automjetit në shumën 9 000 euro.

Bashkëkredimarrës dhe over draft. Është shlyer shuma 303 977 99 lekë, ka mbetur pa shlyer 1 052 376 18 lekë.

Viti 2018

Shitur automjeti i markës Mercedez Benz në shumën 8 000 euro.

Pakësuar gjendja cash nga 70 000 lekë në 35 000 lekë.

Të ardhura nga paga si gjyqtarë në Korçë dhe në Kavajë, në shumën 950 437 lekë.

Bonus dhe honorare nga Shkolla e Magjistraturës dhe Fakulteti i Drejtësisë, në shumat 26 447 lekë dhe 23 261 lekë.

Bashkëkredimarrës dhe overdraft. Detyrimi i shlyer është 312 843 lekë dhe detyrim i pashlyer në shumën 739 533 lekë./CNA.al





Lajmet e fundit nga