E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Shantazhoi anëtarët e KED/ Denoncimi: Ulsi Manja ka kryer krim kushtetues

16 Korrik 2019, 17:48, Aktualitet CNA

“Në datë 07 dhjetor 2017 Kuvendi hodhi përsëri shortin dhe zgjodhi Këshillin e Emërimeve në Drejtësi (KED), që do funksiononte përgjatë vitit 2018. Sërish u shfaqën të njëjtat problematika me listat e kandidatëve. Edhe emrat, që dolën nga ky short, sërish nuk i pëlqyen Ramaformës.

Presidenti i Republikës, në shkurt 2018 i kërkoi përsëri zyrtarisht KED që të mblidhej dhe të shqyrtonte me precedencë të gjitha kandidaturat e paraqitura për plotësimin e të gjitha vakancave të shfaqura në Gjykatën Kushtetuese.

A u mblodh Këshilli, do të pyesni ju?
Këshilli u mblodh vetëm një herë në 19 mars 2018, ku zhvilloi mbledhjen e tij të parë dhe të vetme, pasi KED nuk është mbledhur më asnjëherë”, kumton President i Republikës, në një postim të bërë sot në rrjetet sociale.

Nëpërmjet këtij postimi Presidenti ngre akuza të forta ndaj kryeministrit Edi Rama në lidhje me Reformën në Drejtësi, të cilën ai e cilëson si ?Ramaforma?, por dhe akuzon Ulsi Manjan, kryetarin e Komisionit parlamentar të Ligjeve, si pjesë të grupit Rama, që në mënyrë arbitrare dhe nëpërmjet kërcënimeve ka ndikuar në lënien e vendit pa kokën e sistemit të drejtësisë.

Shantazhoi drejtpërdrejtë anëtarët e këtij organi pa ju dridhur qerpiku… Ulsiu e dinte fare mirë se ajo që po bënte ishte një krim kushtetues…”, shkruan ndër të tjera presidenti Meta, në postimin që vijon:

“…Ndërkohë që, Presidenti i Republikës në shkurt 2018 i kërkonte KED-së që të mblidhej dhe të funksiononte për të ushtruar funksionet kushtetuese, Kryetari i Komisionit të Ligjeve të Kuvendit të Shqipërisë Ulsi Manja në datë 5 Mars 2018 doli në media dhe i bënte thirrje publike anëtarëve të KED-së se duhet të kalojnë vetting-un, përpara se të fillojnë nga puna për të bërë filtrin e kandidatëve për Gjykatën Kushtetuese.

Ky Ulsi, që në dhjetor 2017 zgjodhi në kundërshtim me Kushtetutën dhe pa asnjë lloj vettingu Prokurorin e Përgjithshëm të Përkohshëm, 3-muaj më vonë, në 5 mars 2018, kërcënonte anëtarët e KED-së, me vetting.

Përse Kreu i Komisionit të Ligjeve lejoi këto shkelje të Kushtetutës, që PPP-ja e zgjedhur prej tij me 69-vota, të funksiononte për 8 muaj pa kryer vettingun, ndërkohë që ai me deklarimet e tij po pengonte funksionimin e KED-së, po me të njëjtin shkak vetting-u?!

Ulsiu në datë 19 mars 2018, shkoi dhe u paraqit në mbledhjen e parë dhe të vetme të KED-së dhe i shantazhoi drejtpërdrejtë anëtarët e këtij organi pa ju dridhur qerpiku.

Ai (Ulsiu) debatoi me ta dhe i përsëriti të njëjtin kërcënim se KED mund të mblidhet për veprimtari administrative, por jo për vlerësimin dhe renditjen e kandidatëve për anëtar të Gjykatës Kushtetuese.

Ai (Ulsiu) e dinte fare mirë se ajo që po bënte ishte një krim kushtetues.

Për t?i shpëtuar përgjegjësisë ligjore dhe politike me djallëzi, Ulsiu po i kërcënonte anëtarët e KED me një dispozitë tranzitore të Kushtetutës (neni 179, pika 11), që duhej të ishte zbatuar 2-vjet më parë dhe jo në kohën kur Ulsiu po e kërkonte.

Ulsiu e shantazhoi KED dhe ia arriti sepse ky organ pas datës 19 mars 2018, nuk u mblodh më asnjëherë.

Kështu u bllokua edhe me 1 (një) vit tjetër Këshilli i Emërimeve në Drejtësi.

Kjo është mënyra se si Ramaforma shantazhoi Këshillin e Emërimeve në Drejtësi për 2 vite me radhë, 2017 dhe 2018, dhe bllokoi emërimin e gjyqtarëve të rinj të Gjykatës Kushtetuese”, shkruan presidenti Ilir Meta./CNA.al