web counter
LEXO PA REKLAMA!

SHKARKO APP

App Store
Google Play

E fundit!

x

Skandal/Tuneli në Rrugën e Arbrit shembet ende pa u hapur

1 Qershor 2019, 09:59, Aktualitet CNA

Ish-kryeministri, Sali Berisha ka publikuar sot disa foto që trgojnë se tuneli i Qafë Murrizit në  Rrugën e Arbrit është shembur pa u hapur ende.

Sipas Berishës, ky tunel është ndërtuar nga kompania Gjoka Konstruction, e cila nuk ka eksperienca të mëparshme në ndërtimin e tuneleve.

Tuneli i sapondërtuar është shembur edhe pse akoma nuk ishte hapur për qarkullimin e automjeteve.

Postimi i plotë i Sali Berishës

Shembet pa u hapur Tuneli i Qaf Murrizit, Rruga e Arbrit apo i PPP te Edvinit!

Miq, lajme vetem te nxira vijne nga narkoqeveria. Tuneli i Qaf Murrizit eshte shembur pa u hapur.

Lexoni shkrimin e meposhtem dhe shikoni fotot e katastrofes se Tunelit. sb

Shembet tuneli i sapo-ndërtuar i Rrugës së Arbrit

?Mbrëmjen e sotme, Exit.al ka mësuar se tuneli i sapo-ndërtuar i Rrugës së Arbrit nga kompania Gjoka Konstruction është shembur. Kompani Gjoka nuk ka eksperienca të mëparshme në ndërtimin e tuneleve. Fotot e mëposhtme tregojnë dëmin e shkaktuar në investimin e kryer gjatë muajve të fundit.

Sikurse Exit.al e ka shpjeguar më parë, koncesesioni i Rrugës së Arbrit është projekti i parë në skemën e Projektit 1 miliardë dollarë, i firmosur në shkurt 2018. Ai po financohet përmes skemës së partneritetit publik-privat, të cilat, siç kemi shpjeguar më parë, janë skema të kushtueshme financiarisht dhe të papërshtatshme për vende si Shqipëria, ku ka një mungesë të theksuar të transparencës dhe nivel të lartë të korrupsionit.

Kostoja totale e projektit llogaritet të arrijë vlerën e 250 milionë eurove, nga të cilat 190 milionë euro do të investohen nga kompania dhe 60 milionë euro nga shteti.
Sipas kontratës, kompania do të kujdeset për mirëmbajtjen e rrugës dhe tunelit për 10 vjet dhe në këmbin, kanë të drejtë të vendosin një tarifë prej 4 eurosh për çdo kalim të automjeteve në autostradë.

Qeveria Rama i dha Gjoka Konstruksion një bonus prej 10 për qindësh, duke e paracaktuar përpara se të hapej tenderi si kompani fituese./CNA.al





Lajmet e fundit nga