web counter
LEXO PA REKLAMA!

SHKARKO APP

App Store
Google Play

E fundit!

x

Urimi për Arba Kokalarin/ Dyfytyrësia dhe servilizmi i Lulzim Bashës

27 Maj 2019, 14:32, Aktualitet CNA

Për herë të parë në Parlamentin Europian është zgjedhur një eurodeputete me origjinë shqiptare, Arba Kokalari, e cila është mbesa e Musine Kokalarit,  shkrimtare dhe politikane antikomuniste, që u përball me diktaturën komuniste dhe vuajti torturat më të egra të atij sistemi, duke u dënuar dhe internuar, derisa gjeti dhe vdekjen në vitin 1983.

Menjëherë pas fitores së Arba Kokalarit, si pjesë e Partive simotra të PD-së, një urim për të e pati edhe kryetari i PD-së, Lulzim Basha, i cili në një postim në rrjetet sociale bëri me dije telefonatën e tij me eurodeputeten shqiptare.

?Natë e paharrueshme për Arbën dhe familjen e saj, natë fitore për Moderatët që konfirmuan 4 eurodeputetë dhe natë historike për të gjithë ne shqiptarët që inagurojmë me Arba Kokalarin praninë shqiptare në ulëset e Parlamentit Europian!
Krenar dhe i lumtur me fitoren e Arbës, ju shpreh mirënjohjen time të gjithë bashkatdhetarëve tanë në Suedi që me votën e tyre e mundësuan këtë moment historik?,-shkruan ndër të tjera Basha për zgjedhjen e Kokalarit si eurodeputete.

Në dhjetor të vitit 2018 në zgjedhjet për Kryesinë e re të degës së PD-së për Gjirokastrën, Lulzim Basha, i cili sot uron një përfaqësuese të familjes së Kokalarëve në PE, refuzoi të mbështeste kandidaturën e Alije Kokalarit në PD-në e Gjirokastrës, e cila gëzonte mbështetjen dhe pëlqimin e strukturave të partisë në qytetin e gurt, por që u pengua nga kryesia e PD-së në Tiranë.

Sot, hipokrizia e Lulit arrin deri aty sa e shet edhe si arritje të tijën zgjedhjen e Arba Kokalarit në Parlamentin Europian, ndërkohë që Kokalarët e tjerë i internon nga partia, duke mbështetur për degën e Gjirokastrës ish kryekomunarin e Lazaratit, Dasho Aliko. Ky është servilizmi dhe dyfytyrësia e Lulzim Bashës./CNA.al





Lajmet e fundit nga