web counter
LEXO PA REKLAMA!

SHKARKO APP

App Store
Google Play

E fundit!

x

Policia franceze arreston të dyshuarin për shpërthimin në Lyon

27 Maj 2019, 17:03, Aktualitet CNA

Policia në Francë ka arrestuar një të dyshuar në lidhje me shpërthimin me bombë të javës së kaluar në qytetin e Lyonit, ku u plagosën 13 persona. Ministri i Brendshëm francez, Christophe Castaner, e njoftoi këtë zhvillim në Twitter të hënën, pa dhënë detaje të mëtejshme.

Zyra e prokurorisë e Parisit, që merret me hetimet terroriste në Francë, bëri më vonë një deklaratë, duke konfirmuar se në Lyon u arrestua dhe u mbajt në paraburgim një 24 vjeçar.

Ai kishte qenë objektivi i një operacioni policor që të premten mbrëma, kur një pajisje eksplozive e ndërtuar në mënzrë artizanale u vendos jashtë një ëmbëltoreje të njohur në qendrën historike të Lyonit.

Tetë gra, katër burra dhe një vajzë 10-vjeçare, u plagosën gjatë shpërthimit, por sipas autoriteteve franceze asnjë nga viktimat nuk ishin në gjendje të rrezikuar për jetën.

Kamerat e sigurisë treguan një të dyshuar pjesërisht të maskuar që po ecte me biçikletë për në vendin e ngjarjes dhe që e la pakon shpërhthyese para dyqanit.

Policia i shpërndau në Twitter pamjet e marra nga kamera, të cilat shërbyen si informacion i rëndësishëm për zbulimin e të dyshuarit për shpërthimin./voa/





Lajmet e fundit nga