E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Gent Ibrahimi sqaron procedurën/ Kush po e pengon ngritjen e SPAK dhe BKH-së

21 Maj 2019, 19:01, Aktualitet CNA

Gent Ibrahimi, kryetar i Këshillit të Lartë të Prokurorisë, nëpërmjet një interviste dhenë për Tv “Klan”, ka ndriçuar situatën në të cilën ndodhet ngritja e dy strukturave të posaçme kundër krimit të organizuar, por edhe procedurën e duhur për të realizuar ngritjen e tyre. Fjala është kryesisht për Prokurorinë e Posaçme Antikorrusion(SPAK) dhe Byronë Kombëtare të Hetimit *BKH). Dy strukturat e mezipritura nga shqiptarët dhe që duket se janë ende një endërr. A është e vërtetë kjo?

Sipas Gent Ibrahimit, nga një Komision i Posaçëm, i cili e mbaron punën e tij në datën 6 Qershor,aktualisht, po bëhet vlerësimi i prokurorëve që kanë aplikuar për të qenë pjesë e SPAK.

?Këshilli në tërësinë e vet ka 3 javë kohë për të finalizuar vlerësimin, një vlerësim që do të bëhet me pikë. Këtu e mbaron punën e tij Këshilli. Këshilli ka hapur 15 vakanca. Do t?i rendisë të 25 kandidatët sipas meritës dhe këtu mbaron puna jonë. Por nuk krijohet ende SPAK-u, sepse ligji thotë që të krijohet Prokuroria e Posaçme, të gjithë ata kandidatë që ka vlerësuar KLP, duhet ta kenë kaluar vetting-un, në të dyja fazat e tij. Se sa kohë do t?i duhet vetting-ut për t?i trajtuar këta kandidatë, në të dyja shkallët, është një çështje që nuk mund t?i përgjigjem?,- sqaroi Brahimi.

Sipas të cilit, deri tani, vetëm 2 nga 25 prokurorët që kanë aplikuar e kanë kaluar vetting-un. Në KLP ka diskutime që SPAK mund të ngrihet me më pak se 10 prokurorë minimumi që parashikon Kushtetuta.

?Ka dy pozicione në Këshill. Një pozicion që thotë se ne jemi të detyruar që të presim derisa 10 prej këtyre kandidatëve që ne i kemi vlerësuar ti kalojnë të dyja fazat e vetting-ut dhe vetëm pas këtij çasti ne mund ta krijojmë me vendim Prokurorinë e Posaçme. Ka një mendim tjetër, ky orientim kushtetues ka të bëjë me faktin që në përgjithësi Prokuroria e Posaçme nuk mund të ketë më pak se 10 anëtarë, por ky nuk është urdhrim për ne që të mos e krijojmë SPAK-un, edhe me më pak sesa me 10?,- shprehet drejtuesi i KLP.

Mosngritja ende e SPAK-ut po mban peng edhe BKH-në strukturën tjetër të rëndësishme të drejtësisë së re. Por edhe ligji 41-bis, që do të krijojë një tjetër regjim për të burgosurit VIP, është në pritje të ngritjes së SPAK, pasi ai mund të vihet në lëvizje vetëm nga një prokuror i kësaj strukture. Sipas Brahimit:

?Procedurat për fillimin e ngritjes së Byrosë Kombëtare të Hetimit, që është praktikisht Policia Gjyqësore e Prokurorisë së Posaçme, do të fillojë vetëm pasi të krijohet Prokuroria e Posaçme”./CNA.al