Qeveria tranzitore/ Rama i përgjigjet opozitës

14 Maj 2019, 11:22, Aktualitet CNA

Kryeministri Edi Rama, ka folur sot në një konferencë për mediat lidhur me finalizimin e listave të kandidatëve për kryebashkiakë në 61 bashkitë e vendit, në kuadër të zgjedhjeve të 30 qershorit.

Ndërsa i pyetur nga gazetarët lidhur me protestën e opozitës, Rama ka thënë se dhuna ka ndikuar shumë keq në imazhin e vendit, pasi është ulur numri i rezervimeve në hotele dhe njerëzit kanë frikë të vijnë në Shqipëri.

Duke iu drejtuar opozitës, Rama tha se pavarsisht çdo gjëje “e vetmja pjesë që nuk ndryshon dhe nuk ka shans të preket dhe të ndryshojë është Qeveria dhe shumica qeverisëse,” duke iu përgjigjur kështu opozitës lidhur me kërkesën që ka për një qeveri tranzitore.

?E vetmja pjesë që nuk ndryshon dhe nuk ka shans të preket dhe të ndryshojë është Qeveria dhe shumica qeverisëse.

Dua t?ju bëj thirrje të gjithë atyre që nga dëshpërimi i humbësve kronikë, se nuk janë ata që dëmtohen në ekonominë familjare, nuk janë pushimet e tyre verore që dëmtohen, nuk janë xhepat e tyre që shpohen por dëmtohet vendi ynë.

Ata që marrin pjesë në protesta janë të gjithë njerëz të zakonshëm, të manipuluar të cilët do pyesin me siguri veten, ?po për kë e bëra, kujt i shërbeva, përse e shkela ligjin??

Lidhur me protestën e opozitës Rama tha”Manifestim i dhunshëm, nuk më impresionon fakti që dje ra numri i bombave molotov dhe ndryshoi formula e goditjes me zjarr mbi institucionet, se goditjet e djeshme përsëri rrezikuan jetën e policëve, krijuan disa plagë për disa prej tyre dhe mbi të gjitha e djeshmja ishte një xhiro në boshllëkun e dëshpërimit të atyre që janë vetëpërjashtuar nga zgjedhjet, që shkaktoi jo pak shqetësim dhe krijoi jo pak ankth për qytetarët, në gjithë trajektoren e marshimit absurd. Vlen të përsëritet se as me qëndrime dhe as me marshime nuk zëvendësohet dhe as nuk rrëzohet qeveria e aq më pak me bomba molotov, nuk janë një alternativë qeverisëse. Por përbëjnë një mjet për të plagosur fytyrën e Shqipërisë në sytë e botës dhe për të goditur ekonominë. Pas përhapjes së atyre imazheve ka anullime të rezervimeve”.