21 Janari, “bomba” në duart e politikës

14 Maj 2019, 13:29, Aktualitet CNA

Në 21 janar të vitit 2011, Tirana u përgjak. Pas një proteste të dhunshme, katër protestues mbetën të vrarë në Bulevardin Dëshmorët e Kombit.

Por, pse nisi kjo protestë?

Katër persona humbën jetën, për shkak të ish-kreut të LSI-së, Ilir Meta, aktualisht president i Republikës, i cili bashkëqeveriste me Partinë Demokratike.

Në atë kohë, Partia Socialiste ishte në opozitë, dhe pas publikimit të video-përgjimit të ish-ministrit të ndjerë Dritan Prifti, ku Ilir Meta kapej me bllok në dorë, ku fliste për pazare që kapnin shifrat e 700 mijë eurove, filluan protestat.

Kjo u shndërrua në kauzë për opozitën e asaj kohe dhe filluan protesta që përfunduan me vrasjen e katër personave.

Edi Rama, vrasjen e shndërroi në premtim elektoral. Rama premtonte se me të ardhur në pushtet do të zbardhte vrasjet.

Por, në fakt Edi Rama erdhi në pushtet, ka gjashtë vite që qeveris dhe ngjarja e 21 janarit ende nuk është zbardhur.

Por, ndërkohë, gjaku i katër viktimave është kthyer tashmë në një ?bombë? në duart e politikës shqiptare, të cilën përpiqen t?ja lënë në dorë njëri-tjetrit.

Partia Demokratike, në mazhorancë në atë kohë akuzonte socialistët për dhunë në protestë.

Ndërsa, gjatë një bashkëbisedimi me gazetarët, Edi Rama sot mohoi që të kishte pasur dhunë nga ana e protestuesve, duke u justifikuar me faktin se sipas tij nuk u përdorën bomba molotov.

Por, Edi Rama bën sikur harron që erdhi në pushtet falë Ilir Metës, të cilin e akuzonte me 21 janar dhe bashkëqeverisi me të për katër vite.

Nga ana tjetër, qëndron LSI-ja, prostituta e politikës shqiptare, që sot ka gojë e risjell në vëmendje këtë ngjarje.

Sot, ish-kreu i grupit parlamentar të LSI-së, në një deklaratë për mediat, u shpreh se ?Edi Rama harron se erdhi në pushtet nëpërmjet zjarrit të 21 janarit?.

Është e vërtetë kjo që thotë Vasili, por edhe Vasili mesa duket bën sikur harron se për kë dhe për çfarë u shkaktua zjarri i 21 janarit.

Si gjithmonë ata që dalin të humbur janë qytetarët, ndërsa politika jonë, që ti thuash prostitutë është shumë pak, vijon e përdor këtë popull për interesat e tyre./ CNA.al