E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Kryeministri antiçim-çim-çaku, nga Shijaku!

31 Mars 2019, 14:47, Aktualitet CNA

Nga Arian Galdini

– Prej dt 23 Mars kemi hyrë në dimensionin e ri politik të Edi Ramës. Nga Kryeministër i bashkëkryetarit Ilir Meta, ai u bë Kryeministër i timonit dhe tepsisë si i vetmuar. Por i mësuar me ndërvartësi, ai shpiku fillimisht “Bashkëqeverisjen me qytetarët”, e më tej keq-qeverisjen për faj të “kadrinjve”.

Tek fushata “Fajin e ka Kadriu” ndihej një nostalgji e fshehtë e Ramës për kohën e “Fajin e ka Saliu”.

Jo më kot përzgjodhi llagapin “Kadriu” sepse ngjan kaq afër me “Saliu”. Por i pakënaqur me moskuptimin e njerëzve në këtë abstragim të tijin gati-gati surrralist, Edi Rama, përzgjodhi ahengun e Lal Çerrit për të njoftuar gjendjen e re dhe targetin e tij të ri.

Çim Peka ishte tashmë personazhi me ngjyrat më shprehëse në tablonë e re me zhgarravina psikike në mendimet e punës politike që bën Edi Rama. Kaq shumë ka degraduar Kryeministri ynë saqë u katandis të përdorë një Kongres për vete dhe një aheng për Lal Çerrin që ti dedikojë një fjalim të gjatë programatik antiçimizmit. Që një politikan i dorës së parë, një Kryeministër të investojë gjithë partinë e tij në antiçimizëm, është njëlloj si të marrësh çarter për të shkuar në Librazhd për të ngrënë paçe – pilaf me Taulant Ballën. Të fitosh zgjedhjet njëherë me Aleancën e qelbësirave, pastaj me Timonin dhe Tepsinë e vetme, e të kërkosh të rifitosh me antiçimizëm, do të thotë se nuk ke asgjë për të thënë e për të bërë në politikë. KM AntiÇim nuk mund të jetë më zgjidhja dhe zgjedhja e asnjë shqiptari.

Ky lloj Kryemiistri është për më shumë një fenomen rrjetesh sociale dhe gjenerues memesh dhe baracaletash por jo një politikan a burrë shteti të cilit mund ti besohen fatet e tua a të vendit. Ka ardhur koha që Kryeministrin antiÇim t’ia rikthejmë Nikollë Lesit që ta ripunësojë tek “Koha Jonë”. Shqiptarëve u duhet një Kryeministër që ka pasion, ide, vizion dhe guximin për të bërë Reforma të mëdha e të vërteta.

Kryeministri antiÇim e bën Shqipërinë Europiane vetëm online. Ne që jetojmë në Shqipërinë reale, na duhet një Kryemiistër real. Sa herë që dëgjoj Edi Ramën të mbajë fjalime panegjerike ku na shitet si viktima, i lodhuri, i sulmuari, i shumëvuajturi për ne, më kujtohet një këngë që na e këndonim kur ishim fëmijë: Çim-çim-çaku nga Shijaku, hëngri bukë sa i dhembi barku… Jepjani këtë këngë Edi Ramës që ta ketë si kolonë zanore të fushatës elektorale. Mundësisht të kënduar nga Niçja i Shijakut e nën kujdesin e Damianit dhe Gjushit.