web counter
LEXO PA REKLAMA!

SHKARKO APP

App Store
Google Play

E fundit!

x

Tre të vrarë për tre ditë/ Ish-deputeti: Ramës nuk i bëhet më vonë për qytetarët

20 Mars 2019, 21:12, Aktualitet CNA

Përgjatë tre ditëve të fundit ka pasur tre vrasje të njëpasnjshme, të cilat kanë tronditur vendin.

Në lidhje me ngjarjet e fundit ish-deputeti demokrat, Bardh Spahia shkruan në një postim në rrjetet sociale se siguria në vend është zero, duke treguar edhe njëherë se vendi është i kapur nga krimi.

?Atentati i tipit mafioz ne Grudë të Shkodrës, që i mori jetën një biznesmeni 35 vjeçar, është ngjarja e radhës tejet e rëndë, që dëshmon se qytetarët e këtij vendi janë krejt të pasigurtë për jetën. Policia është vënë në shërbim të pushtetit të kryeministrit frikacak, përmes veglës së tij të bindur, “teknicienit” Sandër Lleshaj.

A ka më turp kur ka shërbim të përforcuar për gjithë politikanët mëkatarë, ndërsa krimi godet i pashqetësuar, pasi policia po përdoret për të mbrojtur Edi Ramën e veglat e tij nga qytetarët? Një polici që merret vetëm me protestat e qytetarëve të lirë, të fermerëve, studentëve, banorëve të Unazës së re, që tregohet e pamëshirshme me gjobat ndaj njerëzve të thjeshtë, një polici që vepron pa pikë problemi me gaz helmues ndaj qytetarëve protestues, që i procedon penalisht si të ishin kriminelë, që përdor edhe objektet e kultit për të vendosur snajpera që shënjestrojnë qytetarë protestues!!! Jane të gjitha shenja se Edi Ramës nuk i bëhet më vonë për qytetarët, por vetëm për karriken e vet.

Një shtet policor për të mbrojtur pushtetin e Edi Ramës është pika që po derdh gotën e zullumeve të kryeministrit ndaj qytetarëve të vet! Prandaj bashkimi për ta larguar sa më parë është mision qytetar para se të jetë politik! Durimit i ka ardhur fundi! #RamaIk#StopShtetitPolicor?,-shkruan Spahia. /CNA.al





Lajmet e fundit nga