E fundit!

09:40 Kronika

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

Një kambist në Durrës ka humbur 60 mijë euro pasi është ma...

Djegia e mandateve/ Deputetët e LSI-së refuzojnë komunikimin

18 Shkurt 2019, 20:11, Aktualitet CNA

Pas publikimit të vendimit të Grupit parlamentar të LSI-së për djegien e mandateve, për të verifikuar informacionet konfidenciale, CNA.al tentoi të lidhej nëpërmjet linjës telefonike me disa nga deputetët e kësaj force politike.

Informacionet që ne disponojmë flasin se, krahas shumicës së deputetëve të LSI-së, pro djegies së mandateve, në mbledhjen e grupit kishte patur dhe nga ata që e kishin kundërshtuar ndërmarrjen e një hapi të tillë.

Ky ishte informacioni konfidencial, të cilit për t’i dhenë frymë zyrtare konfirmimi vendosëm ti drejtohemi drejtëpërdrejt dhe kokë më kokë deputetëve të përfolur. Vendosëm ti drejtohemi, më së pari, Petrit Vasilit, duke qenë se ky mban shiritin e kapitenit të skuadrës.

Vasili e ngriti telefonin, por sapo morri vesh se kush telefonte e mbylli duke premtuar të na përgjigjej pak më vonë. Gjë që nuk ndodhi, sikurse ndodhi që edhe kur ne i ritelefonuam nuk denjoi ta ngrinte telefonin.

Telefonatat e CNA.al vijuan me deputetin Edmond Haxhinasto, i cili fillimisht nuk u përgjigj dhe kur arriti të lidhej me ne dhe morri vesh kush ishim lëshoi mashtrimin: “I keni rënë gabim !”

Nga gjithë telefonatat e bëra në adresë të deputetëve Lefter Koka, Shezai Rrokaj, Viktor Tusha, Luan Rama, Nasip Naço dhe Vangjel Tavo, vetëm këta të dy “guxuan” të vijojnë komunikimin.

I pari, për të na thenë se ishte dakort me vendimin e grupit, megjithse nuk kishte qenë prezentë në mbledhje. Ndërkohë homologu i tij Tavo na i preu shkurt drutë kur na tha se ndodhej jashtë shtetit në një darkë zyrtare dhe na e mbylli celularin. Pra edhe ky, si Naço, i binte të mos kishte qenë prezentë në takimin e Grupit parlametar të LSI, ku, sikurse deklaroi Monika Kryemadhi, vendimi për djegien e mandateve u morr në unanimitet. Nëse ka qenë vërtetë kështu përse atëherë ushtarët e saj, me mandat deputeti, i shmangen komunikimit me median?! /CNA.al