web counter
LEXO PA REKLAMA!

SHKARKO APP

App Store
Google Play

Dosja 339/ Familjarët e ish-deputetit të PS, të përfshirë në blerje votash

30 Janar 2019, 20:53, Aktualitet CNA

Mbrëmjen e sotme ?Zëri i Amerikës? publikoi skandalin e blerjes së votave nga persona të lidhur me krimin. Në zbulimin e bërë nga BIRN rezulton se qytetet më problematike në zgjedhjet elektorale të vitit 2017 kanë qenë Durrësi,Kavaja dhe Lezha.

Bashkia e Durrësit rezulton të jetë vetëm njëra prej zonave të influencës së grupit të dyshuar kriminal, ndërsa të dhënat hetimore tregojnë se ata janë përfshirë edhe në Kavajë. Ndërsa në Lezhë, përgjimet tregojnë se vëllai i ish-deputetit socialist Arben Ndoka flet gjithashtu për blerje votash.

??Nga përgjimet e telefonave celularë në përdorim të shtetasit Gjevi Ndoka evidentohet se ky shtetas në bashkëpunim me persona të tjerë, si para dhe gjatë fushatës zgjedhore është përfshirë në mënyrë aktive duke ofruar dhe dhënë të holla (para) zgjedhësve për të votuar kandidatët për deputetë nën siglën e Partisë Socialiste, të dhëna këto që dalin nga përgjimet,? shkruhet në dosjen hetimore.

Megjithatë, jo të gjitha transaksionet për votat kanë shkuar fjollë.

Një telefonatë e përgjuar dy ditë pas zgjedhjeve, të cilët hetuesit e çështjes e identifikojnë në zonën e Kavajës- por që BIRN nuk arriti ta verifikonte në mënyrë të pavarur, tregon jo vetëm fenomenin e blerjes së votës, por edhe fotografimin e saj dhe presionin për të kthyer paratë mbrapsht.

?Është filmue ajo punë, le tashi. Të më japë lekët mbrapsht Miri, ka mbaruar ai muhabet,? thotë njëri prej biseduesve. ?Ne i japim lekët me mbaru ato punë e halle që keni, jo me dhanë lekë e mos me dhanë votën,? shtohet aty, duke kërkuar që lekët të kthehen urgjentisht mbrapsht.





Lajmet e fundit nga