web counter
LEXO PA REKLAMA!

SHKARKO APP

App Store
Google Play

E fundit!

x

“Kadare e donte President”/ I besuari i Ramës zëvëndëson Xhafajn

27 Tetor 2018, 07:09, Aktualitet CNA

Pas dorëheqjes së Fatmir Xhafajt, postin e ministrit të Brendshëm do ta zërë Sandër Lleshi. Lajmin për heqjen dorë nga posti të Xhafajt e dha kryeministri Edi Rama në një postim në rrjetet sociale.

Ai gjithashtu njoftoi se Gjeneral Sandër Lleshi do të sjellë një energji të re pozitive në krye të Punëve të Brendshme.

Sandër Lleshi aktualisht mban detyrën e Këshilltarit për Mbrojtjen pranë kryeministrit Rama dhe duket të jetë një ndër të besuarit e kreut të qeverisë.

Kujtojmë këtu se Lleshi është një nga ushtarakët e njohur, ndërsa ermi i tij u propozua nga Rama për president në vitin 2012, sipas tij i sugjeruar nga Ismail Kadare.

?Emrin e Sandër Lleshit e kam dëgjuar për herë të parë nga Ismail Kadare, i cili ia sugjeroi palëve si një kandidaturë të spikatur për President të Republikës një vit më parë. Më vonë munda ta çmoj përmes mediave kur denoncoi publikisht rrënimin e Ministrisë së Mbrojtjes dhe degradimin e rëndë të drejtimit të ushtrisë sonë. Dhe njohja nga afër erdhi kur pas zgjedhjeve e thirra për ta dëgjuar lidhur me gjithë çka kishte denoncuar publikisht, si edhe me idetë e tij për të ardhmen e dikasterit qendror të mbrojtjes si edhe të vetë Forcave të Armatosura natyrisht.

Pas disa komunikimesh kuptova besoj, arsyet pse shkrimtari i shquar e kishte menduar si president të denjë për vendin këtë gjeneral të panjohur. I edukuar në perëndim, njohës i mirë i historisë dhe bartës i modestisë intelektuale që karakterizon të diturit, zotërues i thellë i fushës jo vetëm nga librat po edhe nga rrugëtimi i një karriere të gjatë ? nisur si fëmijë i një familjeje të varfër nga veriu në derën e shkollës së mesme ushtarake ?Skënderbej? dhe ndërprerë brutalisht në pozicionin e zëvendës Shtabit të Përgjithshëm nga arroganca e injorancës së pushtetit në ikje -, Sandër Lleshi ka pranuar të jetë këshilltari im për mbrojtjen në kryeministri.?-është ky prezantimi që Rama i bëri Sandër Lleshit në vitin 2013, kur e emëroi si Këshilltar për Mbrojtjen në Kryeministri./ CNA.al

E papritur/ Jep dorëheqjen ministri i Brendshëm, Fatmir Xhafaj

Dorëheqja e Xhafajt/ Kush do jetë ministri i ri i Brendshëm





Lajmet e fundit nga