web counter
LEXO PA REKLAMA!

SHKARKO APP

E fundit!

x

Ilir Meta do të propozojë për kreun e KLSH-së, vëllain e Çim Pekës?

13 Shtator 2018, 09:50, Aktualitet CNA

Kreut të Kontrollit të Lartë të Shtetit, Bujar Leskaj, i mbaron mandati këto muaj.

Kreu i Komisionit të Ekonomisë, Erjon Braçe, ka thënë se Leskaj nuk do të rikandidojë pësrëri.

Për këtë arsye, presidenti Ilir Meta duhet të propozojë një kandidat të ri.

Burime të gazetës TemA bëjnë me dije se Meta mund të propozojë vëllain e Çim Pekës, Avenir Pekën.

Ky i fundit ka qenë zv.ministër në kohën e Berishës dhe pretendonte të bëhej deputet.

Por Lulzim Basha nuk e futi në listë dhe kjo bëri që Çim Peka të niste sulmet ndaj tij.

Ndaj, për të rregulluar marrëdhëniet me Çim Pekën, Basha pritet që të jetë dakord me këtë propozim, ndërkohë që nuk dihet nëse kjo kandidaturë do të aprovohet nga mazhoranca.

Për momentin kandidatura e Avenir Pekës është vetëm një ide dhe nuk dihet nëse do të propozohet zyrtarisht nga Meta.

Kujtojmë që Çim Peka është shumë i afërt me Metën, ndërkohë që kanë kaluar edhe pushimet e verës bashkë.(TemA)





Lajmet e fundit nga