web counter
LEXO PA REKLAMA!

SHKARKO APP

App Store
Google Play

E fundit!

x

Seminari në Londër për Ballkanin Perëndimor/ Rama tregon dy paradokset

12 Shtator 2018, 20:39, Aktualitet CNA

Deputeti i LSI, Luan Rama ka qenë i pranishëm në seminarin për Ballkanin Perëndimor, të organizuar nga Parlamenti i Mbretërisë së Bashkuar në Londër.

Në një postim në rrjetet sociale, Rama ka shkruar se gjatë seminarit ka vënë re dy paradokse.

Sipas tij paradoksi i parë është fakti që vendet e Ballkanit Perëndimor po flasin për anëtarësim në BE në një vend që ka nisur procesin për të dalë nga unioni.

Kurse paradoksi i dytë sipas Ramës është fakti që në seminar marrin pjesë katër vende anëtare të NATO-s, të cilat janë problematike për sigurinë, krimin e organizuar dhe korrupsionin.

Postimi i plotë

?Paradokset? e një seminari!…

Në seminarin për Ballkanin Perëndimor, të organizuar nga Parlamenti i Mbretërisë së Bashkuar dhe që po zhvillohet në Londër, ku marrin pjesë deputetë nga parlamentet e Shqipërisë, Bosnje-Hercegovinës, Bullgarisë, Kroacisë, Kosovës, Maqedonisë, Malit të Zi dhe Serbisë, dhe natyrisht, edhe të Parlamentit Britanik, duke e marrë fjalën në një nga seancat, theksova dy paradokse:

Paradoksi i parë: të gjithë delegacionet e vendeve të Ballkanit Perendimor, flasin për anëtarësimin në Bashkimin Europian si ëndrrën e tyre të madhe e të pa realizuar, ndërkohë që e bëjnë këtë në Londër, në parlamentin e një vendi që ka vendosur të dalë nga BE dhe është në atë që njihet si procesi BREXIT!
Paradoksi i dytë: nga vendet e Ballkanit Perendimor, në seminar marrin pjesë katër vende anëtare të NATO-s; Shqipëria, Bullgaria, Kroacia dhe Mali i Zi, e ndërkaq, rajoni vazhdon të jetë problematik për sigurinë, për krimin e organizuar, për trafiqet dhe korrupsionin!
Retorikë! Dhe BE nga ana tjetër në krizë lidershipi, që me Procesin e Berlinit krijoi një ?ishull shprese?, ku janë ankoruar përkohësisht vendet e Ballkanit Perëndimor! /CNA.al





Lajmet e fundit nga