web counter
LEXO PA REKLAMA!

SHKARKO APP

App Store
Google Play

E fundit!

x

Rekordi i kërkesave për lotarinë amerikane/ Sociologu jep alarmin

28 Gusht 2018, 21:25, Aktualitet CNA

Viti 2018 shënoi një numër rekord të aplikimeve nga Shqipëria për lotarinë amerikane.

Në lidhje me këtë ka folur sociologu Gëzim Tush, i cili është shprehur se shifrat janë shqetësuese dhe alarmante  dhe që nga ky fenomen mund të nxjerrë dy konkluzione.

?Natyrisht shifra është shqetësuese dhe janë dy konkluzione që mund të nxjerrësh. Një, shqiptarët janë të shqetësuar për të tashmen dhe të ardhme e tyre, dhe dy është tregues i faktit që duhet të përshpejtohen reformat që mund të ndikojnë në zbutjen e fenomenit?, thotë sociologu Gëzim Tushi për ?Tv Klan?.

Më tej, Tushi është shprehur, se për shkaqet dhe kushtet që dertiminojnë këtë emigracion të vonuar ka faktorë të jashtëm dhe brendshëm.

?Procesi i globalizimit ka krijuar idenë që tregu i punës dhe vendet ku mund të jetojnë janë të lira, dhe faktori i jashtëm është ndikimi i Perëndimit mbi vendin tonë, kurse faktorë të brendshëm ka shumë; niveli i lartë i papunësisë, cilësia e ulët e jetës akoma, niveli i lartë i krimit dhe shfaqjeve që cënojnë standardin e jetesës?, – ka shpjeguar sociologu më tej.

Kujtojmë, se të dhënat e Departamentit Amerikan të Shtetit treguan se 367 mijë shqiptarë  kërkuan të largohen nga vendi, gati 3 herë më shumë se një vit më parë./ CNA.al





Lajmet e fundit nga