web counter
LEXO PA REKLAMA!

SHKARKO APP

App Store
Google Play

E fundit!

x

Nga Alma Erionit tek Xhogu, 4 çiftet që bënë bujë në rrjet

15 Gusht 2018, 11:10, Lifestyle CNA

Në vitin 2016 Alma dhe Erioni u bënë çifti më i famshëm në rrjete sociale falë videos që Erioni postoi ku i kërkonte falje lezhjanes dhe i lutej të kthehej tek ai. Në atë kohë Alma ndodhej në Greqi dhe siç tregoi vetë ajo, ishte larguar nga Erioni për shkak të sjelljes së tij. Pas videos që qarkulloi me shpejtësi në rrjete sociale dhe që bëri bujë, Alma erdhi nga Greqia për ta takuar. Çifti u pajtuan e madje u shfaqën duke dhënë intervista në emisione. Nuk zgjati shumë lumturia mes tyre pasi dhjetorin e atij viti ata u ndanë sërish, Alma e denoncoi për dhunë Erionin dhe ky i fundit u arrestua nga policia.

Ndërsa historia mes Amedeo Baçit dhe zonjës Lumturie u bë e njohur në rubrikën “Shihemi në gjyq” ku Lumturia e denonconte shkrimtarin për mashtrim pasi i kishte marrë 15 mijë euro duke i shprehur dashurinë. Amedeo i mohonte akuzat dhe nuk pranonte ta quante dashuri marrëdhënien me Lumturien pasi sipas tij nuk i kishte thënë kurrë “Ti amo”. Dyshja vitin e kaluar u kthyen në ndër më të komentuarit në rrjete sociale për shkak të deklaratave që bënin.

Seriali u bë i njohur 3 vite më parë falë këngës që i dedikonte Kozetës. Se kush ishte seriali e se kush ishte Kozeta kjo nuk u mësua kurrë, por pikërisht për këtë arsye ata u bënë të famshëm dhe tërhoqën vëmendjen e publikut me identitetin enigmë.

Po shprehjen “Xhogu dua aromën tënde”, e mbani mend? Video e një personi me emrin Adi bëri bujë në rrjete sociale muaj më parë. Adi dhe e dashuria e tij ishin prej dy vitesh të lidhur, por ishin ndarë pasi Adi e kishte tradhtuar të dashurën me mikeshën e saj. Adi publikoi këtë video ku me lot në sy i lutet të dashurës që të kthehet.





Lajmet e fundit nga