E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Faktohet dështimi spektakolar i Erion Veliajt

1 Gusht 2018, 09:20, Aktualitet CNA

Megjithëse jemi në ditët e para të gushtit, trafiku në Tiranë është i pandalshëm dhe gjithçka duket të jetë një kaos total.

Trafiku në rrugët e Tiranës, edhe në orar dreke, dhe ditë pushimi, vijon të mbetet stresues dhe tepër problematik. Në shumë akse kryesore që kanë qënë pika problematike, tashmë është shtuar trafiku.

Një nga këto pika apo vende më problematike është Unaza e Vogël dhe rreth Sheshit Skendërbej, sheshi që na ka kushtuar miliona e miliona euro, me parking nën tokë ka shkaktuar vetëm kaos.

Bashkimi i segmentit të rrugës së Kavajës me rrugën e Durrësit, te Sheshi Skëndërbej, aksi i rrugës që të çon te Myslym Shyri, segmenti nga Bulevardi ?Dëshmorët e Kombit? që del tek qendra ?Toptani? janë një kaos i vërtetë.

Megjithëse me tre korsi ka një fluks të madh makinash, i cili më pas kthehet në një hinkë te kryqëzimi i Ministrisë së Brendshme, për të ecur më tej.

Nga Toptani te Rruga e Barrikadave apo 15-katëshi ka një fluks të madh makinash, por fluksi i trafikut i justifikuar nga Veliaj me lëvizjen e shumtë të qytetarëve vjen nga punimet në shesh, të cilat edhe pse janë inauguruar disa herë nuk kanë përfunduar.

Dhe zgjidhja e ofruar nga Bashkia e Tiranës është një dështim spektakolar i kryebashkiakut, për një shesh që ju ka kushtuar shqiptarëve miliona euro dëm, duke i tortuar në tarfik dhe duke luajtur me nervat e tyre.

Kaosi i trafikut është edhe më i madh në segmentin e unazës ku po ndërtohet, por duke bashkuar këtë me Sheshin ?Skëndërbej? dhe me rrëmujën dhe kaosin e pandalëshëm te ?21 Dhjetori?.

Tirana megjithëse në ditë vere, në kohë pushimesh dhe me fluksin minimal të mjeteve ka një kaos total në trafik, gjë që dëshmon që është një dështim spektakolar i kryebashkiakut Veliaj.

Trafiku i Tiranës është i lodhshëm dhe stresues, i shkaktuar nga zgjidhja e vetë kryebashkiakut Veliaj, i cili i bie gjoksit për trafikun në Tiranë duke kërkuar që njerëzit të mos lëvizin me makina, a thua se Tirana është një fshat i vogël dhe në këmbë mund të zgjidhin gjithçka në këto ditë të nxehta vere.

Nga ana tjetër ajo çfarë afrohet nga transporti publik, është skandaloze dhe më tepër se kaq.

Dështimi i Veliajt, i cili hodhi miliona auro në sheshin Skëndërbej, shtrenjtoi gati dyfish çmimin e biletës së transportit urban, ky i fundit nga njëri stacion në tjetrin, duke u përballur me kaosin e trafikut të shkaktuar nga Veliaj mund të dojë me orë të tëra për të mbërritur.

Qytetarët e Tiranës, ata që jetojnë në Tiranë, por edhe ata që e vizitojnë shpesh për shumë arsye të ndryshme, janë dëshmitarët më të mirë të dështimit të kryebashkiakut Velija, i cili në tre vite të mandatit të tij jo vetëm që nuk i kanë dhënë zgjidhje problemit të trafikut, por e ka rënduar më tej atë. Tirana vijon të mbetet në kaos dhe duke treguar dështimin më të madh dhe një problematike që vështirë se mund të gjejë zgjidhje për shkak të vetë konceptit të Erion Veliajt, i cili duke pretenduar se ndërton vetëm shkatërron. Për shkak të paaftësisë dhe mungesës së një vizioni të qartë për zhvillimin e kryeqytetit.

Fotot e mëposhtme nuk i kemi bërë ne, por janë marrë nga aplikacioni “Tirana Ime”, i Bashkisë së Tiranës./ CNA.al