web counter
LEXO PA REKLAMA!

SHKARKO APP

App Store
Google Play

E fundit!

x

Rrezikon rikandidimin në Tiranë?/ Erion Veliaj sfidon hapur Edi Ramën

1 Gusht 2018, 07:37, Aktualitet CNA

Kryetari i Bashkisë së Tiranës, Erion Veliaj ka sfiduar ditën e djeshme hapur kryeministrin Edi Rama. Deri më tani shefi i qeverisë nuk ka dhënë asnjë sinjal se Veliajn do ta rikandidojë për bashkinë e kryeqytetit në zgjedhjet vendore të vitit 2019. Madje, gjatë një interviste televizive i pari i qeverisë pohoi se do të jenë strukturat e Partisë Socialiste, ato të cilat do të vendosin se kush do të jetë kandidati i ardhshëm për Tiranën.

Ndërkohë që dje Veliaj ka ?provokuar? kryeministrin, madje i ka bërë karshillëk, duke shfaqur ambicien për dirigjimin e Tiranës. Gjatë një prononcimi për mediat, ai pohoi në mënyrë të prerë se do të jetë kandidat për një mandat të dytë për të drejtuar kryeqytetin shqiptar.-shkruan gazeta Sot.

?Për vitin tjetër patjetër, edhe unë do t?i nënshtrohem një gjykimi të Partisë Socialiste. Unë kandidoj me atë uniformë, me atë bluzë. Dëshira është për të çuar punët përpara?, deklaroi ai. Më tej, Veliaj foli me superlativa për Ramën, kur theksoi se raporti që ka ai me kryeministrin është i mirë. Në këtë kontekst, ai shtoi se ndihet i privilegjuar që ka marrë bekimin e shefit të qeverisë për të gjitha punët e bëra nga ai në statusin e kryetarit të Bashkisë së Tiranës.

Duke folur për punët në Tiranë dhe politikën Erion Veliaj tregoi nëse një ditë do të drejtojë ?shtëpinë e tij politike?, Partinë Socialiste. Gjatë fjalës së tij, kryebashkiaku hodhi poshtë aludimet se ai mund të jetë ?pasardhësi? i Ramës sa i takon drejtimit të selisë rozë. Dhe për ta vërtetuar se nuk ëndërron që t?i marrë partinë Edi Ramës, Veliaj vuri në dukje faktin se është një ?shërbëtor? i kryeqytetit dhe se jeton në simbiozë vetëm me Tiranën, duke lënë të nënkuptohet se nuk ka interes për Partinë Socialiste.





Lajmet e fundit nga