web counter
LEXO PA REKLAMA!

SHKARKO APP

App Store
Google Play

E fundit!

x

Sikur të isha kryeministri i Shqipërisë…

31 Korrik 2018, 13:24, Aktualitet CNA

Nga, EDUART NDOCAJ

*Të dashur bashkëkombas të mi shqipëtarë, të nderuar bashkëqytetarët e mi lezhianë, sinqerisht nuk gjej fjalë ti etiketoj këta drejtues, si qendrorë ashtu edhe vendorë, ku duke pas gjithë këto mundësi që natyra dhe zoti na i ka dhënë të mos i vendosim në shërbim të popullit ku vazhdojmë të jemi kombi më i varfër me pozitën gjeografike më të favorshme në rajon dhe më gjerë. Me burime ujore të pafundme, ku dhe zoti na i ka dhënë të gjitha, malin, fushën, lumenjtë dhe detin, nëntokën dhe mbitokën më të pasur, por që menaxhohen brutalisht nga disa krijesa që se meritojnë të quhen njerëz por harbutë të babëzitur dhe të pa ngopur me gjakun e popullit të tij, që me plot gojën mund ti quajmë veqse vampirë.

Nëse unë do të isha në pozicionin e kryetarit të shtetit ose të bashkis që jam besim plot tek qytetarët e mi se janë ndergjegjësuar dhe do të më besojnë që në zgjedhjet e ardhëshme do të më votëbesojnë, do të bëja zgjedhjen e duhur për punësimin e rinisë lezhiane duke shfrytëzuar të gjitha këto burime që përmenda më lart; ti marrim një e nga një; do të hapja një zyrë punësimi dhe do të regjistroja fuqinë e aftë për punë nga mosha 18-25 vjeç, që është edhe pjesa më vitale e popullsisë dhe brenda 6 muajve tu mundësoj një vend pune në zanatin që ata ushtrojnë ku duhet të ketë mbaruar shkollën profesionale, ndërsa personat me arsim fillor ose më saktë 9 vjeçare punësim në mirëmbajtje dhe sistemim të territorit të bashkisë dhe njësive administrative, për nxënësit ekselentë punësim brenda 30 ditësh nga përfundimi i shkollës në degët e tyre përkatëse në administraten e bashkise apo drejtoritë e ndryshme;
Për çiftet e reja do t?u siguroja banesë falas nga enti i banesave për 12 muaj, drita , ujë 50% të paguar nga bashkia, asistencë sociale 10 mijë lekë të reja në muaj deri sa të krijojmë mundësi punesimi për njërin nga bashkëshortët, për fëmijën e parë të çiftit 100 mijë lekë të reja dhe 24 muaj çerdhe falas;

Do të kisha ulur energjinë me 50% të çmimit aktual, sepse kostoja e prodhimit është 2 lekë të vjetra dhe paguajmë 13 lekë;

Ujin e pijshëm do e kisha ul me 60% të çmimit aktual, pasi jemi të dytët në botë për burimet ujore, pra të gjitha dhuratë nga zoti s?kemi pse ta quajme arritje të drejtueseve;

Naftën do e kisha zbrit çmimin në 100 lekë të reja për litër, sepse nxjerrim nga nëntoka jonë sasi gjoja të konsiderueshme, 80% të përdorimit të brendshëm;

Do kisha bërë disa manovra fiskale për bujqësinë në bashkëpunim me mekanizmat e BE dhe bizneseve vendase për hapjen e vendeve të reja pune duke kriuar tregun ?made in Albania?;

Do stimuloja biznesin e vogël kush punëson deri 3 persona ti hiqen taksat e punëtorëve për 4 vite, dhe tatimi mbi fitimin 12 muajt e parë falas, kështu do të kisha krijuar falas në shkallë vendi 200 mijë vende pune;

Do zhbëja të gjitha koncesionet e minierave dhe hidrocentraleve e puseve të naftës dhe do i vendosja në shërbim të banorëve të zonës 30% të prodhimit duke krijuar infrastrukturë dhe investime sociale në zonë si shkolla, spitale dhe rritje pensionesh deri në 350 euro për pensionistë në rang kombëtar .

Dhe së fundmi do të kisha dërguar përpara drejtësisë të gjithë ata punonjës të administratës publike që nga kryeministri dhe ish kryeministra dhe deputetë dhe ish deputetë, ministra dhe ish ministra, drejtorë dhe ish drejtorë që kanë abuzuar me fondet tona;
Dhe KUSH DILTE I DËNUAR DO IU SEKUSTROJA PASURITË deri në 5 breza kushërinjsh BRENDA DHE JASHTË VENDIT DHE DO I SHPËRNDAJA NË SHËRBIM TË QYTETARËVE SHQIPTARË, ja kaq e thjesht është të bësh një shtet social.





Lajmet e fundit nga