web counter
LEXO PA REKLAMA!

SHKARKO APP

App Store
Google Play

E gënjeu për Vettingun/ Broci sulmon Ramën

31 Korrik 2018, 15:03, Aktualitet CNA

Komisioni i Vettingut, sot ka prerë ?kokën? e një tjetër anëtari të Gjykatës së Lartë, Ai është Artan Broci.

Trupa gjykuese, që rivlerësoi dosjen e Brocit, përbëhej nga Valbona Sanxhaktari, Etleda Çiftja e Xhensila Pine.

Sipas KPK-së, gjyqtari Broci kishte mospërputhje në deklarimin e pasurisë dhe për më tepër ai kishte favorizuar një firmë ndërtimi e cila më pas dyshohet se i dha material ndërtimi në Shkodër.

Konkretisht probleme me pasurinë Brocit iu gjetën për një apartament që ka blerë dhe ka shmangur taksat, ndërkaq ka pasur edhe mospërputhje çmimesh.

Por, sipas Brocit, ai ka paguar detyrimet, por zyra e tatimeve nuk jep të dhënat.

Përveçse anëtar i Gjykatës së Lartë, Broci  ka mbajtur edhe detyrën e kreur të Këshillit të Emërimeve në Drejtësi (KED), por me shkarkimin e gjyqtarit Artan Broci, pozicionit i kreut të Këshillit të Emërimeve në Drejtësi, ngelet bosh.

Pas shkarkimit nga detyra, Broci ka reaguar duke e quajtur politik, vendimin e KPK ?së.

Broci ka sulmuar kryeministrin Edi Rama, i cili duket se ka gënjyer për kalimin në Vetting, nëpërmjet drejtorit të Top Channel, Ben Blushit.

?KPK si komisarët politik të kryeministrit nuk dolën dot nga urdhërat politik. Unë provova se të ardhurat e mia janë të ligjshme, të konfirmuara nga Tatimet, kalova në pikëpamjen time, të tre testet pasuror, profesional dhe figurën, por nuk kalova dot testin e nënshtrimit për çështje të caktuara dhe atë të Kryetarit të Këshillit të Emërimeve në Drejtësi. Beteja ime ligjore do vazhdojë deri në fund?, ka reaguar Broci.

Artan Broci e nisi karrierën në sistemin e drejtësisë në vitin 1996 si gjyqtar në Gjykatën e Tiranës. Ai e ushtroi funksionin pranë kësaj gjykate deri në vitin 2010, kur u promovua në Gjykatën e Apelit të Tiranës. Në prill të vitit 2013, Broci u dekretua anëtar i Gjykatës së Lartë./CNA.al

 

 





Lajmet e fundit nga