E fundit!

22:15 Aktualitet

Aksident me një viktimë në autostradën Vlorë-Fier

Një aksident rrugor me një viktimë ka ndodhur mbrëmjen e s...

Shpërthimi në banesë/ Zbardhen të tjera detaje, në pranga autori

30 Korrik 2018, 07:26, Aktualitet CNA

Të tjera detaje janë zbardhur nga policia në lidhje me ngjarjen e shpërthimit të një sasie tritoli në banesën e shtetasit XH.D në Kamëz.

Mësohet se është arrestuar autori i dyshuar i ngjarjes si dhe është sekuestruar automjeti me të cilin autori ka lëvizur dhe transportuar lëndën shpërthyese.

Në pranga ka rënë shtetasi V.B, 23 vjeç, lindur në Kukës dhe banues në Kamëz ,Tiranë.

Deklarata e plotë e policisë:

Kamëz, Tiranë

Finalizohet operacioni ?Pagesa?

Zbardhet në kohë rekord nga Komisariati Nr 5, ngjarja e shpërthimit të një sasie tritoli në banesën e shtetasit XH.D në Kamëz.

Kapet dhe ndalohet autori i dyshuar i vendosjes së lëndës eksplozive.

Sekuestrohet automjeti me të cilin autori ka lëvizur dhe transportuar lëndën shpërthyese.

Specialistët për Hetimin e Krimit në Komisariatin e Policisë Numër 5 Kamëz, në bashkëpunim me Specialistët e Seksionit Kundër Krimeve ndaj Jetës dhe Pronës në Drejtorinë Vendore të Policisë Tiranë, pas një punë profesionale si dhe bazuar në informacionet e grumbulluara në rrugë operative, mbrëmjen e djeshme kanë finalizuar me sukses operacionin policor të koduar ?Pagesa?, ku është bërë e mundur zbardhja e ngjarjes së ndodhur më datë 27.07.2018, në rrugën “Martin Camaj” Bathore, ku në banesën e shtetasit Xh.D., është vendosur lëndë shpërthyese, duke shkaktuar vetëm dëme materiale.

Në kuadër të operacionit u bë kapja dhe ndalimi i autorit të dyshuar të kësaj ngjarje:

– V.B, 23 vjeç, lindur në Kukës dhe banues në Kamëz ,Tiranë.

Nga tërësia e veprimeve të kryera dyshohet se ky shtetas kundrejt pagesës ka vendosur sasinë prej 500 gramë lëndë plasëse në banesën e shtetasit XH.D.

Autori i dyshuar pas kryerjes së krimit ka hedhur në lumë tek ?Ura e Tapizës? rrobat e përdorura gjatë kryerjes së krimit, ndërsa automjetin e kishte fshehur në një bodrum afër ?Urës së Tapizës?.

Për arsye hetimore nuk bëjmë me dije të dhënë të tjera .

Sa më sipër në cilësinë e provës materiale është sekuestruar automjeti të cilin autori i dyshuar e ka përdorur për të transportuar dhe shpërthyer lëndën plasëse në banesën e shtetasit Xh. D.

Materialet do ti kalojnë Prokurorisë së Rrethit Gjyqësor Tiranë në ngarkim të shtetasit V. B, për veprën penale ?Shkatërrimi i pronës me eksploziv?, parashikuar nga neni 152 i Kodit Penal.