web counter
LEXO PA REKLAMA!

SHKARKO APP

App Store
Google Play

E fundit!

x

Zvarritja e punimeve në rrugë/ Nervozohen drejtuesit e mjeteve

29 Korrik 2018, 20:08, Aktualitet CNA

Zgjerimi i rrugës Prishtinë-Podujevë, po shkon me ritëm të ngadaltë. Në fillim të majit të këtij viti kishte filluar zgjerimi i segmentit ?Luzhan-Gllamnik?, me gjatësi prej katër kilometra, ndërsa punimet për rregullimin e saj nuk kanë filluar ende.

Sipas mediave kosovare, kjo po i nervozon qytetarët e Podujevës të cilët kalojnë çdo ditë në këtë rrugë, e cila krijon trafik të rënduar si pasojë e punimeve të ngadalta.

Qytetarët shprehen të zhgënjyer me ritmin e punimeve duke thënë se është e pakuptimtë që ky segment që po zgjerohet të zgjasë kaq shumë.

Përveç drejtuesve të automjeteve, shqetësim kanë shprehur edhe bizneset që ndodhen në anë të rrugës.
Edhe në Ministrisë e Infrastrukturës e pranojnë se ka shqetësime për ngadalësim të punimeve, por janë të bindur se brenda afatit do të përfundojnë punimet.

Këshilltari politik i Ministrit të Infrastrukturës Pal Lekaj, Fatos Mani, ka thënë për KosovaPress, se janë njoftuar me shqetësimet e bizneseve dhe drejtuesve të automjeteve, për këtë arsye në terren ka dalë edhe vetë ministri.

Mani shton se janë dy kompani që po i kryejnë punimet në këtë rrugë. Derisa, në pjesën ku po i kryen punimet AlTrade, ka probleme pronësore.

Afati për përfundimin e punimeve për ndërtimin e rrugës Prishtinë-Podujevë është dy vjeçar, ndërsa zgjerimi i rrugës Prishtinë-Podujevë, segmenti ?Lluzhan-Gllamnik? me gjatësi prej katër kilometra, ka filluar të ndërtohet në fillim të muajit maj të këtij viti.





Lajmet e fundit nga