web counter
LEXO PA REKLAMA!

SHKARKO APP

App Store
Google Play

Konflikti për pasagjerët/ Arrestohet djali i shoferit që sulmoi shtëpinë e Ndout

30 Korrik 2018, 08:24, Aktualitet CNA

Policia e Pukës ka vënë në pranga autorin që qëlloi me armë zjarri në drejtim të banesës së Lekë Ndout në fshatin Poran para dy ditësh, pasi ky i fundit kishte qëlluar me armë furgonin e babait të autorit.

Policia bën me dije se i arrestuari është shtetasi Elidon Peplokaj, banues në fshatin Rajë, Bajram Curri, djali i Tonin Pepkolajt.

Bëhet e ditur se në cilësinë e provës materiale janë sekustruar disa gëzhoja arme zjarri në vendin ku është qëlluar mjeti dhe disa të tjera tek banesa e shtetasit Lekë Ndou.

Njoftimi i plotë:

Në lidhje me ngjarjen e ndodhur me datë 27.07.2018,  në fshatin Poravë, Fushë Arrëz, ku shtetasi Lekë Ndou, ka qëlluar me armë zjarri, në drejtim të mjetit me targa AA 982 MG, Policia ka kryer një sërë veprimesh për dokumentimin e ngjarjes si dhe kapjen e arrestimin e autorit.

Në vijim të veprimeve  nga strukturat e Komisariatit të Policisë Pukë të mbeshtetura nga strukturat e specializuara të Drejtorisë Vendore të Policisë Shkodër bënë të mundur kapjen dhe ndalimin, si palë e dytë të këtij konflikti, pasi ka qëlluar me armë zjarri banesën e shtetasit Lekë Ndou, u arrestua shtetasi:

– Elidon Pepkola, 30 vjeç, banues në fshatin Rajë, Bajram Curri.

Në cilësinë e provës materiale janë sekustruar disa gëzhoja arme zjarri në vendin ku është qëlluar mjeti dhe disa të tjera tek banesa e shtetasit Lekë Ndou.

Materialet iu referuan Prokurorisë së Rrethit Gjyqësor Pukë për veprat penale të ?Vrasjes në rrethana cilesuese? e mbetur në tentative dhe ?Armëmbajtje pa leje? parashikuar nga nenet 79/dh -22 dhe 278/1 të Kodit Penal. /CNA.al





Lajmet e fundit nga