web counter
LEXO PA REKLAMA!

SHKARKO APP

App Store
Google Play

Lirohet vrasësi i shqiptarit në Itali / Babai i 22 vjeçarit kërcënon me hakmarrje

29 Korrik 2018, 14:42, Aktualitet CNA

Gykata e Milanos la të lirë vrasësin e 22 vjeçarit shqiptar nga Gojani i Pukës, Gjergj Gjoni, ngjarje kjo e ndodhur tre vite më parë. Vendimi i drejtësisë italiane, ka irrituar së tepërmi familjarët, të cilët shprehen se i githë procesi gjyqësor ndaj djalit të tyre është i manipuluar.

?Janë të gjitha fakte të rreme. Në momentin që është vrarë, djali është gjetur pa asgjë me vete. Nuk ka patur as lekë, as pasaportë, as thikë, as armë, asgjë. Ka qenë i veshur thjesht me rroba sportive, dhe me pantofla, dhe ka shkuar me një biçikletë për të pirë kafe me shokët?, thotë babai i Gjergjit, Mark Gjoni për ?Balkanweb?.

Njëkohësisht ai është shprehur se nuk do të mjaftohet me kaq, ndërsa ka kërcënuar se do të marrë hak për djalin sipas mënyrës së tij.

?Pres një përgjigje sa më të shpejtë nga drejtësia italiane, edhe nga ambasada shqiptare atje që të më japin drejtësinë e djalit tim. Kam pritur sa kam pritur, tani e mbrapa unë do të vazhdoj drejtësinë time. Drejtësia ime do të jetë hakmarrja. Do shes lopën, shtëpinë, e gjithçka kam, e do të zbarkoj në Itali, dhe e kam aq forcë dhe dinjitet, sa atë do të ekzekutoj familjarisht?, shprehet babi i viktimës.

Mark Gjoni ka kërkuar gjithashtu që shteti shqiptar të mos heshtë ndaj kësaj ngjarjeje.

?Janë shumë emigrantë që janë vrarë kështu në Itali. Nuk është vetëm djali im. Duhet ta vlerësojë edhe shteti ynë?, theksoi ai.

Kujtojmë se Gjergj Gjoni, tentoi të vidhte banesën e një pensionisti italian 3 vite më parë në periferi të Milanos në Itali. Ky i fundit e kishte pikasur dhe më pas e ka qëlluar me armë duke e lënë të vdeekur.





Lajmet e fundit nga