web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet kalendari i Serie A/ Sfida emocionuese që në javën e parë

26 Korrik 2018, 21:13, Aktualitet CNA

Kureshtja e tifozëve ka marrë fund, teksa ?SKY?, ka zbuluar kalendarin e ndeshjeve në Seria A për sezonin e ardhshëm.

Kampionati do të nise me sfida interesante që në javën e parë, ku Lazio i Strakoshës, do të presë Napolin e Hysajt.

Ndërkohë kampionët në fuqi të Juventus do ta nisin mbrojtjen e titullit në Verona, ku do të përballen me Chievon.

Sfidat e zjarrit do të fillojnë që në javën e dytë, ku Juventus do të presë në shtëpi Lazion, ndërsa Milani do të sfidojë Napolin në San Paolo.

Tifozët do të duhet të presin javën e 9, për të shijuar derbyn magjik të Madonninës, i cili cilësohet si ndeshjet më të bukura dhe me më shumë histori në botë.

Kalendari nuk i ka buzëqeshur aspak Interit, i cili në javën e 14 do të udhëtojë drejt Olimpicos për tu përballur me Romën, ndërsa një javë më vonë duhet të bëjë llogaritë me Juventusin, në transfertën e vështirë të Torinos.

Edhe gjatë festave, të apasionuarit pas futbollit do të kenë mundësi  të shijojnë ndeshje spektakolare, pasi një ditë pas Krishtlindjes, Napoli do të zbresë në San Siro, për tu përballur me Interin.

Ndërkohë është zbuluar edhe topi i cili do të përdoret gjatë ndeshjeve të Serie A, Kupës së Italisë dhe Superkupës, i cili është pagëzuar me emrin ?Nike Merlin?. /CNA.al





Lajmet e fundit nga