Ironia therëse e profesorit të njohur/ Zbulon “suksesin” më të madh të kryeministrit

26 Korrik 2018, 12:57, Aktualitet CNA

Profesori i njohur, Agron Gjekmarkaj në një opinion të botuar në gazetën ?Panorama? ka ironizuar kryeministrin Rama dhe kabinetin e tij.

Gjekmarkaj shkruan se ?E ka zakon të vjetër Edi Rama ta shuajë etjen në krojet e gurrës popullore.?.

Ndërsa më tej thekson se këtë ves ua ka mësuar si zanat edhe cucave e djelmurinave të Rilindjes.

?Po t?i vëresh me kujdes, edhe ata flasin për shejtanë, xhindër, pyje e derra, sherrbudallenj plot me referenca nga fjalët e urta. Pak herë e keni dëgjuar Taulant Ballën të flasë si babëlok, pa iu dridhur qerpiku, duke ndarë të mirën nga e keqja si kandar perëndie?

S?e ndieni Damian Gjiknurin që ia terezit si guru katundi me nënkuptim, hë se zoti e bën mirë? Po Arben Ahmetaj që si fallxhore të lexon dorën dhe fundin e filxhanit e mbi to ndërton vizionet ekonomike nuk ju lë pa mend? Po Lezja mbi buldozer si monalizë e rrahur shtrëngatash me shikim zhbirues e fjalën hepuar urtie, a nuk duket si sojnikja përmbi gur të themelit teatror? Tani po bën pak pushim, por edhe Saimir Tahiri në kohë të vet për çdo rast e kishte gati një nga të popullit ngarkuar me një barrë mend.?.-shkruan Gjekmarkaj.

Ndër të tjera ai thekson se suksesi më i madh i Edi Ramës është se pati meritën të kuptojë se në një vend si Shqipëria qeveriset më lehtë duke ulur nivelin kulturor të shoqërisë nëpërmjet përfaqësuesve që iu cakton.

Sipas Gjekmarkajt, ?Kryeministri aktual pati meritën të kuptojë më mirë se paraardhësit e tij, se në një vend si Shqipëria qeveriset më lehtë duke ulur nivelin kulturor të shoqërisë nëpërmjet përfaqësuesve që iu cakton, ndërsa një parti sundohet ku e ku më me efikasitet.

Kësisoj, atyre u ofron iluzionin e të ngjashmit dhe vetes rehatinë e pakundërshtisë. Për fat të keq, në këtë pikë ai ka suksesin e tij më të madh.?

Për më tepër, profesori shkruan se ?Nuk do të kujtohet as për reformat pesë me hiç, për të cilat qesh me vete, për kullat e Teatrin e rrënuar si varri i nënës mbretëreshë, nuk do të kujtohet për premtimet e pambajtura e kanabisin as për koncesionet, e më the e të thashë, por bash për shkollën politike që krijoi. Suksesi është me pash po të gjykosh nga ndjekësit dhe perspektiva në horizont?.