web counter
LEXO PA REKLAMA!

SHKARKO APP

App Store
Google Play

“Ndizen motorët” për zgjedhjet lokale/ Zbulohen kandidatët për Lezhën

26 Korrik 2018, 09:49, Aktualitet CNA

CNA.al ka mësuar emrat e kandidatëve të majtë dhe të djathtë, të cilët pritet të kandidojnë për bashkinë e Lezhës, në zgjedhjet lokale 2019.

Burime për CNA.al bëjnë të ditur se Basha pritet që në Lezhë të rikandidojë kreun aktual të kësaj Bashkie, Fran Frrokaj.

Ndërsa, kryeministri Rama pritet që përballë Frrokajt për Bashkinë e Lezhës, të kandidojë Pjerin Ndreun, aktualisht deputet i Partisë Socialiste në Kuvendin e Shqipërisë.

Ndërkohë, mësohet se një tjetër kandidat për Bashkinë e Lezhës është edhe ish-deputeti Eduart Ndocaj./ CNA.al

 

Fran Frrokaj

Fran Frrokaj është kryetari i Bashkisë së Lezhës, i zgjedhur nën siglën e Partisë Demokratike.

Frokaj ka kryer studimet e larta në Universitetin Politeknik të Tiranës, Fakulteti i Inxhinieri Mekanike, dega makineri, në vitet 1989-1994.

Ka kryer studimet e larta si degë të dytë në Fakultetin Juridik të Universitetit ?Luigj Gurakuqi? në Shkodër.

Ka njohuri në gjuhën italiane. Ka shërbyer si oficer policie në Mirditë dhe Shkodër në vitet 1995-1999.

Ka shërbyer si përgjegjës i Sektorit të Rregjistrimit të Mjeteve pranë Drejtorisë Rajonale të Shërbimit të Transportit Rrugor në Lezhë dhe Tiranë në vitet 2000-2003.

Eshtë zgjedhur kryetar i Komunës Shënkollit në Lezhë për 3 mandate, vitet 2003-2015. Në vitin 2015 është zgjedhur kryetar i Bashkisë Lezhë. Eshtë nënkryetar i Partisë Demokratike në degën e Lezhës dhe anëtar i Kryesisë së Partisë Demokratike të Shqipërisë.

 

Pjerin Ndreu

Pjerin Ndreu është një nga 140 deputetët e Kuvendit të Republikës së Shqipërisë, dalë nga zgjedhjet e 25 qershorit 2017, i zgjedhur nën siglën e Partisë Socialiste.

Pjerin Ndreu ka lindur me 12.12.1966 në Pukë, ndërsa ka mbaruar arsimin e lartë në Fakultetin Juridik.

Pjerin Ndreu është deputet në Kuvendin e Shqipërisë prej vitit 2013.

Në vitet 2003-2004 ka mbajtur detyrën e drejtorit të Policisë së Tiranës.

Në vitin 2002-2003 ka mbajtur postin e zv.drejtorit të Përgjithshëm të Policisë së Shtetit, ndërsa në 2001-2002, drejtor i Policisë së Qarkut të Shkodrës.

Në vitin 2001, ka qënë shef sektori në policinë kufitare.

Në 2000-2001, drejtor i policisë kufitare.

Në vitin 1999-2000, ka mbajtur detyrën e drejtorit të Policisë së qarkut Gjirokastër, ndërsa në 1998-1999, shef i komisariatit nr.4.

Në 1998 ka qënë drejtor i Policisë së qarkut Shkodër, ndërsa në 1997-1998 shef komisariati në Lezhë dhe në komisariatin nr.1 në Tiranë. Po ashtu,  në 1996-1997 ka mbajtur detyrën Inspektor i Policisë kriminale në Lezhë.

Eduard Ndocaj

Eduart Ndocaj ka lindur më 18 Shtator 1975 në Manati të Lezhës. Në vitin 1994 deri në vitin 1996 mbaroi detyrimin ushtarak në Pashaliman të Vlorës.

Prej vitit 1996 jeton në Milano të Italisë, ku ka kriuar një biznes të suksesshëm.

Në vitin 2007-2012, ka studiuar për Gjeometri në shkollën teknike profesionale ?Luca Paciola Noli? në Itali.

Në vitin 2013, ishte kandidat i PS në Qarkun Lezhë.

Në 2014, ai bashkë me disa biznesmenë shqiptarë në Europë themeluan Lëvizjen Politike në Diasporë ?Fronti Demokristian Shqiptar?.

Në 2014, përmes një marrëveshje politike bëhet zv.Kryetar i Partisë Demokristiane Shqiptare.

Në nëntor të 2015 u zgjodh deputet i Kuvendit të Shqipërisë dhe anëtar i komisioneve Parlamentare për ?Veprimtari prodhuese? dhe ?Integrimin?.

Në 2017 në Neë York u pranua si anëtar nderi në lidhjen e  Shqiptarëve të Amerikës.

Në 2017 zgjidhet kryetar i Bashkimit Demokristian Shqiptar PBDKSH.

Në vitin 2017 kandidoi për deputet i qarkut Lezhë në siglen e PBDKSH-së.

 





Lajmet e fundit nga