web counter
LEXO PA REKLAMA!

SHKARKO APP

App Store
Google Play

Rama nis lëvizjet për ndryshime në qeveri/ Zbardhet takimi në Pallatin e Brigadave

25 Korrik 2018, 07:29, Aktualitet CNA

Kryeministri Edi Rama ka nisur lëvizjet për ndryshime në qeveri. Pas vendimit për të mbledhur Asamblenë e PS në muajin shtator, kreu i qeverisë ka vënë dje në rresht të gjithë ministrat, duke ju kërkuar llogari për të gjithçka kanë bërë gjatë 10 muajve në kabinet.

Sipas burimeve, dje Rama ka mbledhur në një takim të gjithë ministrat në ambientet e Pallatit të Brigadave dhe secili ka bërë një bilanc të punës së tij. Pritet që takimi të vijojë edhe gjatë ditës së sotme, pasi kryeministri u ka bërë të ditur ministrave se kërkon një raport të plotë për gjithçka ata kanë realizuar dhe po ashtu do ketë dhe një bilanc të synimeve që nuk janë arritur.-raporton gazeta Sot.

Pas përmbylljes së analizës, shefi i qeverisë do të hartojë një raport ku do të përmenden të gjitha arritjet e secilit ministër dhe ky raport do të prezantohet në Asamblenë e PS që do mbahet në shtator. Në bazë dhe të këtij raporti do vendoset fati i shumë emrave.

Duke qenë se Bashkimi Europian vendosi që negociatat të hapen në qershor 2019 dhe kërkon realizimin e disa kushteve, qeveria pritet të pësojë një ndryshim shumë rrënjësor. Flitet se ministrat e emëruar në 2013 do të largohen, ndërsa po ashtu do ketë dhe emra të tjerë që janë kyç në realizmin e kushteve të vendosura nga BE në luftën antikorrupsion dhe ngritjen e organeve të reja të sistemit të drejtësisë. Rama ja u ka bërë më herët të qartë ministrave se kush nuk ka një bilanc pozitiv do të largohet dhe nuk do ketë asnjë tolerim.





Lajmet e fundit nga