E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

“Plas bomba”/ Drejtësi me spiunët e sigurimit të shtetit

24 Korrik 2018, 20:12, Aktualitet CNA

Deputeti demokrat Myslim Murrizi, ka hedhur dritë mbi skemën e lidhjes së politikës me drejtësinë.

Deputeti demokrat ka dhënë alarmin se spiunët e sigurimit po kalojnë Vettingun.

Sipas të njëjtit, asnjëherë politika nuk ka dashur që të pastrojë drejtësinë nga llumi apo nga plehrat e diktaturës, sepse i janë dashur ti ketë llumhane dhe plehra që të kishin ngjashmëri.

?Në këto 26 vjet pluralizëm, Partia Socialiste ka patur dy herë pushtetin e vetme. Njëherë në vitin 1997, ku kishte 125 deputetë nga 155 që kishte parlamenti, dhe pas 20 vitesh pra në vitin 2017 me 74 deputet nga 140. Dy herë rresht ka bërë drejtësinë me militantë enveristë, socialistë, rilindas, komunist, hetues, prokurorë, gjyqtarë të diktaturës, pa asnje lloj hipokrizie apo kamuflimi. por me dhunë dhe forcën e kartonit?, ka risjellë në vëmendje deputeti Murrizi.

Më tej deputeti demokrat ka sjellë fakte të shoqëruara me emrat, ku tregon se si spiunët e sigurimit janë emëruar në drejtësi dhe për më tepër kalojnë edhe Vettingun.

?Në vitin 1997 emëroi Ministër Drejtësie Thimio Kondin për të bërë spastrimin e atyre pak gjyqtarëve që kishin ardhur jo nga diktatura. Pasi e kreu me sukses detyrën, Thimio Kondi emërohet në Gjykatën e Lartë, madje kryetar i saj. Nënkryetarin e grupit parlamentare të PS Fehmi Abdiun e emerojnë kryetarë të Gjykatës Kushtetuese. Prokuror të Përgjithshëm Arben Rakipin?, ka shkruar Murrizi.

Sipas tij, sot kanë bërë 27 vetingas prezervativë shumë përdorimësh që gjoja po ?pastrojnë? drejtësinë

?Këta kanë qenë nga viti 1992 e deri në korrik të vitit 2018 anëtarë të Gjykatës Kushtetuese.

Manol Konomi, Feti Gjilani, Hilmi Dakli, Rustem Gjata, Franc Jakova, Veli Budo, Thimjo Kondi, Natasha Sheshi, Ylvi Myrtja. Kryetar i Gjykatës Kushtetuese u zgjodh Rustem Gjata për një periudhë 3-vjeçare, mandat i cili u përsërit në vitin 1995.
Alfred Karamuço, Zija Vuci, Metush Saraçi në vendet vakante të krijuara nga dorëheqja e Thimjo Kondit, Natasha Sheshit dhe Ylvi Myrtjes.

Gjithashtu u emëruan gjyqtarë Kristofor Peçi dhe Halil Kopani në vendet vakantë të krijuar nga largimi i Metush Saraçi dhe vdekja e Feti Gjilanit.

Në mars e prill të vitit 1998 janë emëruar gjyqtarë nga Presidenti i Republikës Kujtim Puto, si edhe janë zgjedhur nga Kuvendi Hajredin Fuga, Sokol Sadushi dhe Fehmi Abdiu në vendet vakantë të krijuar pas largimit të Manol Konomit, Rustem Gjatës, Halil Kopanit dhe Veli Budos.

Fehmi Abdiu u zgjodh kryetar i Gjykatës Kushtetuese. Në nëntor të 1998 jep dorëheqjen Franc Jakova dhe në vend të tij emërohet Bardha Selenica.

Sabri Rrapi zuri vendin e Hilmi Daklit pas dorëheqjes së këtij të fundit. Në prill të 2001 mbaroi mandati i gjyqtarëve Hajredin Fuga, Sabri Rrapi dhe Bardha Selenica.

Në postet e tyre u emëruan Gjergj Sauli, Tefta Zaka dhe Petrit Plloçi. Në vitin 2002 Tefta Zaka jep dorëheqjen dhe në vendin vakant emërohet Xhezair Zaganjori.

Në vitin 2004 përfundon mandati i Zija Vucit dhe në vendin vakant emërohet Vjollca Meçaj. Po në këtë vit Gjergj Sauli emërohet nga Presidenti i Republikës Kryetar i Gjykatës Kushtetuese.

Në vitin 2007 përfundojnë mandatin Vjollca Meçaj, Alfred Karamuço dhe Kristofor Peçi.

Në postet e tyre u emëruan Vladimir Kristo, Sokol Berberi dhe Vitore Tusha. Po në këtë vit Vladimir Kristo emërohet nga Presidenti i Republikës Kryetar i Gjykatës Kushtetuese.

Në vitin 2008 përfundon mandati i Gjergji Saulit dhe në vendin vakant emërohet Admir Thanza.

Në vitin 2010 mbaron mandati i gjyqtarëve Kujtim Puto, Fehmi Abdiu dhe në vendin e tyre u emëruan Altina Xhoxhaj dhe Bashkim Dedja.

Në shtator të po këtij viti, Bashkim Dedja emërohet nga Presidenti i Republikës Kryetar i Gjykatës Kushtetuese.

Më gjeni një të përndjekur politik, ose që nuk i përket organeve të hetuesisë, gjykatës apo prokurorisë së diktaturës? Unë nuk kuptoj të emëruarit nga shtatori 2005 deri në qershor 2013, pse duhet te ishin po nga ky stan komunistësh?

Pse duhej votuar Sokol Berberi që është vëllai i nuses së Fatmir Xhafeë( kunati) në vitin 2007??, pyet ndër të tjera deputeti demokrat./CNA.al