E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Skandali me kreun e PD/ Shehi: Të ndryshojë pijen, ose ta mbajë atë

24 Korrik 2018, 13:51, Aktualitet CNA

Sot në KafeIN në Intv dhe In Radio 105.7 ishte i ftuar kreu i LZHK-së Dashamir Shehi. Një nga emrat që gëzon më shumë mbështetje nga figurat e opozitës vendosi sot të rrëfehej 360 gradë.

Flavio Qarri e pyeti atë edhe për përdorimin e figurës së tij nëpër rrjete sociale që Shehi e konsideronte shumë zbavitës.

Sa i takon politikës ai e shikon aktualitetin një moment dekadence të qeverisë dhe e konsideron atë butaforike e të shqetësuar për sheshe fasadë duke lënë pas dore investimet e tjera infrastrukturore e strategjike.

Në një krahasim mes Ramës e Berishës në kontekst shumëplanësh, Shehi tha se edhe në raport me Francën, Berisha ishte më dinjitoz se shkoi atje si doktor.

Gjithashtu Shehi tha se ende opozita ka shumë rrugë për të bërë për të qënë një ofertë serioze qeverisëse.

Pjesë nga intervista:

Si e komentoni ngjarjen e Elmas Harunit në Gramsh?

Mua më duket si një ngjarje e ekzagjeruar në media, sikur çka ndodhur. Një njeri që ka pirë në Gramsh dhe është zënë me policët. E thërrisnin me emër njeri-tjetrin. PD e ka marrë me shumë seriozitet çështjen e Harunit. Ai bën mirë të pijë një pije tjetër ose ta mbajë atë që pi.

Do jeni kandidat i PD-së për Bashkinë e Tiranës? Çfarë mendimi keni për Lali Erin?

Ne nuk kemi vendosur asgjë. Gjykoj që Bashkia e Tiranës është çështja më serioze politike e ardhshme. Ne do ta marrim seriozisht. Në qoftë se në Bashkitë e tjera ka komponent lokal, këtu çështja është ndryshe.

Cila është femra më simpatike në Parlament?

Parlamenti i sotëm ka shumë goca të reja dhe kjo më vë në vështirësi. Kur kam hyrë unë në ?92 kishte nja 10 a 12. Ishin disa më të pashme. Pamja e jashtme nuk është se luante ndonjë rol të madh në politikën e asaj kohe, sot është ndryshe. Sot një nga preokupimet më të mëdha është se si vishet kryeministri, a e kemi të pashëm, a i kemi firmato rrobat. E kam të zorshme tani të them një emër.

Arta Dade?

Për kohën kishte një sharm.