E fundit!

17:21 Aktualitet

“Ju qfsha rbt”/ Degradojnë protestuesit, bombardojnë me vezë dhe sharje

Të tjera pamje qarkullojnë nga protestat që po zhvillohen ...

“U hodhi ilaç gjumi në petulla”, si e vrau Hysnija burrin e vjehrrën për dashnorin

24 Korrik 2018, 12:32, Aktualitet CNA

Më 22 janar të këtij viti, nënë e bir, Salkie dhe Olsi Hoxhallari, u vranë e më pas u dogjën në banesën e tyre nga nusja e Olsit, Hysnie Hoxhallari. Ngjarja e rëndë ndodhi qytetin e Vlorës dhe tronditi gjithë Shqipërinë.

Fillimisht Hysnija ruajti qetësinë dhe u shtir para kamerave, teksa tha se kërkonte drejtësi për të shoqin dhe vjehrrën, ndërsa nuk nguroi të shprehte edhe frikë për veten e saj dhe fëmijët, pasi nuk e dinte se nga i vinte e keqja.

Por ja që gjithçka u zbulua më vonë dhe doli se kishte qenë vetë Hysnia dhe dashnori i saj, Kasem Pirjasi, ata që kishin bashkëpunuar për të vrarë nënë e bir.

Por si ndodhi gjithë ngjarja, e kanë rrëfyer ditën e sotme në “Me zemër të hapur”, vajzat e shtëpisë, Lindita dhe Miranda të cilat janë të martuara.

Ato kanë treguar se Hysnija u kishte bërë petulla me ilaç gjumi në darkë vëllait të tyre dhe nënës, e më pas i ka vrarë në bashkëpunim me Kasemin.

Miranda tha:

Ne na njoftuan se është djegur mamaja me vëllain me bombol. Nisemi për në Vlorë dhe atje mësoj se ata i kishin vrarë. Në orën 5 të mëngjesit vjen Hysnija dhe i bie të fikët. I thotë tezja si ndodhi ngjarja.
Ajo thotë se kishte rënë zjarr tek gazhina. Hysnija mendonte për pasurinë e shtëpisë që në tre ditët e para të ngjarje. Hysnija u ka bërë petullat dhe atje ka hedhur ilaçin e gjumit dhe në atë moment ka hyrë Kasemi dhe kanë vrarë nënën dhe vëllain dhe i kanë vënë flakën shtëpisë.
Na ka thënë vetë Hysnija që i kishte bërë petulla. Madje ajo ishte djegur dhe vets pak dhe ishte lyer me kolinoz.
Nëna dhe vëllai kishte ngrënë petulla. Djali dhe Hysnija nuk kishte ngrënë. Hysnija donte të merrte pasurinë e vëllait. Donte ti merrte lekët, shtëpitë, tokat, pronat?”

Ndër të tjera ato rrëfejnë se në llogarinë bankare ishin 48 mijë euro në emër të nënës së tyre dhe të vëllait të cilat i ka marrë nusja e shtëpisë, Hysnija, e cila akuzohet për vrasjen.

Ato shtojnë:

Hysnija kishte bërë përpara vrasjes dokumentet për trashëgiminë e shtëpisë. Hysnija nga 48 mijë euro, gjysmat i ka tërhequr dhe gjysmat e tjera të parave kanë mbetur të ngrira. Ne i kemi thënë prokurorit për të kërkuar çelësin për të hapur derën, por ai ka thënë që duhet ta zgjidhni vetë këtë çështje. Nuk dyshonim që Hysnija kishte lidhje jashtëmartesore”.