Shpërndanin lëndë narkotike/ Në pranga 5 persona

6 Korrik 2018, 17:47, Aktualitet CNA

Policia e Tiranës ka arrestuar 5 persona për shpërndarje lëndësh narkotike. Sipas burimev zyrtare në pranga kanë rënë shtetasit Shaqir Shtishi, Edmond Vlashi, Etmir Peta, Ylber Gaxheri dhe Kristo Papa.

Të arrestuarve iu sekestrua kokainë, heroinë, 3 makina dhe një sasi e madhe lekësh.

Materialet proceduriale iu referuan Prokurorisë së Rrethit Gjyqësor Tiranë për veprat penale të ?Prodhimit dhe shitjes së lëndëve narkotike në bashkëpunim? dhe ?Përshtatja e lokalit për përdorim droge?.

Deklarata e plotë:

Operacioni ?Forca e Ligjit? godet një tjetër grup kriminal me aktivitet në fushën e tregëtimit dhe trafikimit të narkotikëve, me 10 persona të arrestuar.

Konferencë për shtyp e Drejtorit të Policisë Tiranë Z. Kastriot Skënderaj.

Seksioni për Hetimin e Narkotikëve në Drejtorinë Vendore të Policisë Tiranë, pas një hetimi 7 mujor me metoda speciale të hetimit në bashkëpunim me Prokurorinë e Rrethit Gjyqësor Tiranë, në kuadër të operacionit ?Forca e Ligjit? finalizuan operacionin e koduar ?Porosia e natës?, duke ekzekutuar masat arrest me burg për shtetasit:

– Shaqir Shtishi, 53 vjeç, banues në Tiranë (i dënuar më parë për ?Prodhim dhe shitje të narkotikëve?);

– Edmond Vlashi, 48 vjeç, banues në Tiranë;

– Etmir Feta, 30 vjeç, banues në Tiranë (i dënuar më parë për ?Prodhim dhe shitje të narkotikëve);

– Ylber Gaxherri, 47 vjeç, banues në Tiranë.

Në kuadër të këtij procedimi penal, është identifikuar dhe arrestuar dhe shtetasi Kristo Papa, 62 vjeç, banues në Tiranë, i cili bashkëpunonte me këtë grup kriminal.

Nga hetimet e kryera ka rezultuar se keta shtetas nën drejtimin dhe organizimin e shtetasit Shaqir Shtishi, shpërndanin lëndë narkotike në lokalet e natës në zonat e ?Brrylit?, ?Komunës së Parisit?, ?Shkozës?, ?Xhamllikut?, ?Ish-Bllokut?, ?Oxhakut? dhe ?Unazës së Re?.

Policia ka sekuestruar në cilësinë e provës materiale:

– përzierës për lëndën narkotike
– doza narkotike të llojit kokainë dhe heroinë
– telefona celular
– 3 automjete
– një sasi lekësh dhe eurosh.

Gjithashtu në funksion të këtij procedimi janë arrestuar më parë edhe shtetasit:

– Klejvi Kalivaçi, 34 vjeç, banues në Tiranë;

– Alti Zhurzhi, 51 vjeç, banues në Tiranë;

– Tedi Neziri, 35 vjeç, banues në Tiranë (i dënuar më parë për ?prodhim dhe shitje të narkotikëve?);

– Jani Beja, 42 vjeç, banues në Tiranë;

– Flamur Algjoni, 49 vjeç, banues në Tiranë (i dënuar më parë për ?Prodhim dhe shitje të narkotikëve?).

Në kuadër të operacionit ?Forca e Ligjit? janë kryer në këto 8 muaj, 13 goditje dhe rreth 120 persona të arrestuar dhe mbi 10 milion euro të sekuestruara. /CNA.al