web counter
LEXO PA REKLAMA!

SHKARKO APP

App Store
Google Play

Dekonspiroi hetimet/ Basha në hetim nga Prokuroria

29 Qershor 2018, 10:01, Aktualitet CNA

Kreu i Grupit Parlamentar të PS, Taulant Balla, depozitoi në prokurori ditën e mërkurëm një padi ndaj kreut të opozitës, Lulzim Basha, për dekonspirim të hetimeve për 3.4 milion eurot e sekuestruar në Durrës dhe për shpifje. Sipas ?Report Tv?,  Prokuroria e Krimeve të Rënda ka nisur zyrtarisht hetimet për këtë çështje.

Mësohet se prokurorët e kanë tashmë një pistë për rrjedhjen e informacionit nga SHISH. Ndërkohë pritet marrja në pyetje e kreut të demokratëve.

Deklarata e bërë në kuvend në seancën e shkuar nga Lulzim Basha, ka detyruar Edi Likën, pronarin e bizarkës, të ndryshojë kursin e udhëtimit. Lika ka porositur shoferin e bizarkës të kalojë nga porti i Barit dhe jo i Anconas, siç kishte deklaruar Basha.

Në të njëjtën kohë, Elvis Vladi, i cili kishte ngarkuar paratë dhe Alfred Vladi, i cili i priste në Durrës, janë arratisur pasi kishin kuptuar se edhe ndryshimi i itenerarit, nuk mjaftonte për ti shpëtuar policisë.

Ndërkohë Gjykata e Durrësit ditën e djeshme dha masën e sigurisë ?Arrest me burg? për 4 personat e ndaluar për këtë çështje. Më pas procesi ka kaluar tek Gjykata e Krimeve të Rënda, për veprën penale ?Grup i strukturuar kriminal?. /CNA.al





Lajmet e fundit nga