E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Klosi/ Kontrolle të rrepta për sigurinë në plazhe, det dhe ndotjen akustike

28 Qershor 2018, 12:09, Aktualitet CNA

?Tolerancë zero ndaj të gjithë subjekteve që nuk do të respektojnë ligjet dhe do të cënojnë mbarëvajtjen e sezonit turistik? ishin fjalet e ministrit Blendi Klosi, gjatë takimit të Komitetit Rajonal të Turizmit në qarkun e Durrësit, plazhet e të cilit janë nën patronazhin e katër ministrave të qeverisë; ministrit Klosi, Peleshi, Majko dhe Gjonaj. Në takimin e mbajtur në prefekturë e Durrësit, bashkë me ministrat e përfaqësues të pushtetit lokal, ishin të pranishëm edhe përfaqësues nga biznesi i turizmit.

Prej datës 1 korrik nuk do të ketë asnjë tolerancë apo negocim për ata që shkelin zonat e përcaktuara për mjetet lundruese, për subjektet që nuk kanë rojet e plazhit por edhe për lokalet, apo baret që shkaktojnë ndotje akustike dhe shkelin rregullat e vendosura nga bashkia.

Kreu i Turizmit dhe Mjedisit u ndal në 3 detyrat kryesore të institucioneve të angazhuara në mbarëvajtjen e sezonit turistik; garantimi maksimal i pastërtisë, siguria në plazhe dhe rritja e standarteve të mikpritjes.

Ministri i Bujqësisë dhe Zhvillimit Rural, Niko Peleshi theksoi se sfida e këtij sezoni është siguria ushqimore për të cilën kreu i bujqësisë tha se është forcuar inspektimi, i paraprirë nga vetkontrolli i subjekteve. Ndërsa Ministri Majko kërkoi nga Task forca e turizmit që të merren të gjitha masat e nevojshme për të garantuar sigurinë pa shqetësuar turistët vendas dhe të huaj.

?Nëse ne arrijme të realizojmë ashtu siç kemi planifikuar të gjitha detyrat për shërbimet cilësore, vitin tjetër dhe më pas në vitet në vazhdim do të kemi turizëm elitar.? ? u shpreh ministri Klosi në përfundim të fjalës së tij duke shtuar se turizmi është në pikën e kthesës dhe Durresi vazhdon të jetë poli kryesor i turizmit në vend.

Fjalimi i ministrit Klosi

Industria e turizmit këtë vit mund të ketë pikën e kthesës. Nëse ne arrijme te realizojmë ashtu siç kemi planifikuar të gjitha detyrat për shërbimet cilësore, vitin tjetër dhe më pas në vitet në vazhdim do të kemi turizëm elitar. Durresi për qeverinë shqiptare por edhe për biznesin besoj, vazhdon te jete poli kryesor i turizmit në vend. Zona e Golemit dhe zona e Gjirit të Lalëzit dhe zona e plazhit, të treja së bashku presin turistë mbase sa e gjithë Shqipëria dhe sidomos turistë të huaj dhe prandaj kemi shumë nevojë që të kemi rigorozitet në zbatimin e detyrave.

Kemi shumë nevojë që ato 3 detyrat kryesore qe i kemi vene vetes për sezonin turistik janë garantimi maksimal i pastërtisë dhe këtu nuk bëhet fjalë vetëm për pastërtinë nga punonjësit e bashkisë, nga stafi I bashkisë për pastrimin e mbetjeve urbane. Ajo duhet të jetë e padiskutueshme.

Dhe këtu jemi të gjithë bashkë dhe duhet të diskutojmë se cfarë strategjie duhet të kemi 3 -fishuar , 4 ?fishuar, 5 ? fishuar kontrollet përsa i përket pastërtisë përsa i përket higjenës dhe sigurisë ushqimore.

E dyta, është problemi i sigurisë në të gjitha aspektet e tij. Roja e plazhit nuk është vetëm për të qenë atje dhe për të ruajtur në momentin që ka nevojë për nëjë ndihmë të shpejtë dhe ajo padyshim është detyra e tyre kryesore por ne na duhet nje rrjet i tere njerezish te trajnuar, të licensuar që t?i kemi si pika sigurie në gjithë sezonin e plazhit përgjatë gjithë bregdetit. Na duhen njerëz të cilët t?i kemi me telefona, me emer, mbiemër, me trajnimin përkatës përsa i përket sigurisë së jetës, përsa i përket ndonjë zjarri të mundshëm, ndonjë vjedhje të mundshme, ndonjë zënke, probleme të pastërtisë, pra na duhetnjë rrjet njerëzish të cilët të jenë atje, të punojnë pranë bizneseve të caktuara por që të jenë edhe pikë kontakti per prefekturen policine bashkinë. Do të na duhet shumë pasja e këtyre vendqendrimeve të rojeve të plazhit për ti pasur si pika besueshmërie te turistët që po këto janë zona të sigurta që kanë një roje dhe ka njeri që monitoron dhe vëzhgon. Eshtë parimore, thelbësore, psikologjike, është shumë e nevojshme që të kemi nga 1 korriku zbatim të ligjit dhe këtu bashkia ka detyrën kryesore pasi zonat janë dhënë nga bashkia me qira në përdorim të biznesit por kontrolli duhet te jeteiI superorganizuar në radhë të parë nga bashkia, nga Inspektoriati i Mjedisit dhe Turizmit dhe padyshim edhe nga forcat e tjera ligjzbatuese.

Policia e ka të pamundur të kontrollojë gjithë bregdetin, duhet të kontrollojë në 5 pikat ku lejon bashkia dhe pjesa tjetër të jetë zero. Tolerancë zero për përdoruesit e mjeteve lundruese argëtuese sidomos brenda territorit ku bëhet plazh edhe pushim?. Jashtë atyre pikave, policia sekuestron, apo bën veprime më drastike se kaq.

Brenda sigurisë kemi problematikat e zhurmave. Duhet të kemi një dakordësi edhe me bashkinë deri në 1 korrik se kush janë oraret që lejohen, cilat janë zonat që nga ai moment të mos ketë negocim, zero negocim. Inspektoriati i Mjedisit, i shëndetit, i turizmit të ndërhyjnë në mënyrë radikale pas orarit të caktuar. Zero dhe e barbartë për të gjithë. Por duhet të jemi të gjithë koshientë që kjo punë bëhet vetëm kur vendosen standarte të barabarta për të gjithë.

Ka ardhur koha të kuptojmë që në qoftë se ne bëjmë një sezon real te suksesshem ne kemi sjelle me shumë më tepër para, shumë më tepër mirëqenie, shumë më tepër punësim për banorët e këtij komuniteti, por në radhë të parë kemi ndryshuar imazhin e turizmit shqiptar dhe jemi në fazën që realisht kemi shumë prurje por kemi nevojë që struktura, industria të punojë si një e tërë.